ഏറെ പ്രതീക്ഷകളും ഒട്ടേറെ വെല്ലുവിളികളും സമ്മാനിച്ച് വീണ്ടും ഒരു വർഷം  കൂടി കടന്നുപോകുന്നു. 2018 പടിയിറങ്ങുമ്പോൾ  ചില സംഭവബഹുലമായ വർഷമാണ് കടന്നു പൊക്കിയതെന്നു പറയേണ്ടിയിരിക്കുന്നു. സാമൂഹിക,സാമ്പത്തിക,ശാസ്ത്രീയ,കല സാംസ്കാരിക കായിക മേഖലകളിലുണ്ടായ വളർച്ചക്കും തളർച്ചക്കും പോയ വാരം സാക്ഷ്യം വഹിച്ചു.
ജനുവരി----------------------

• ജനുവരിയിലെ ഓർമയിൽ ആദ്യം കടന്നുവരുന്നത് ദേശീയ ധീരതക്കുള്ള അവാർഡ്  മലയാളിയായ സെബാസ്റ്റ്യൻ വിൻസന്റ്  നേടിയതാണ്. 
• സംഗീത പ്രതിഭകളായ ഇളയരാജ, ഗുലാം മുസ്തഫ ഖാൻ എന്നിവർക്കും പി പരമേശ്വരനും പത്മഭൂഷണും. ഡോ. രാജഗോപാൽ, ലക്ഷ്മികുട്ടിയമ്മ, ഫിലിപ്പോസ് മാർ ക്രിസോസ്റ്റം എന്നിവർക്ക് പത്മശ്രീ നൽകി രാജ്യം ആദരിച്ചു. 
• മഹാത്മാഗാന്ധി വധത്തിനു പിന്നിൽ ഗോഡ്‌സെയല്ലാതെ അജ്ഞാതനായ മറ്റൊരു പ്രതി ഇല്ലെന്ന് വിശദീകരിച്ച് സുപ്രീംകോടതി നിയോഗിച്ച അമിക്കസ് ക്യൂറി റിപ്പോർട്ട് സമർപ്പിച്ചു.
• ബ്രസീൽ ഫുട്ബാൾ താരം റൊണാൾഡീന്യോ ഫുട്ബാളിൽനിന്ന് വിരമിച്ചതും ചെങ്ങന്നൂർ എംൽഎ  അഡ്വ. കെ കെ രാമചന്ദ്രൻ നായർ അന്തരിച്ചതും ജനുവരിയിൽ തന്നെ.

    ഫെബ്രുവരി ---------------------------നേട്ടങ്ങളുടെയും  നഷ്ടങ്ങളുടെയും മാസമായിരുന്നു.

• നേപ്പാളിൽ  കെപി ശർമ ഓലി 41-മത്തെ പ്രധാനമന്ത്രിയായി. 
• തമിഴ്‌നാട്ടിലെ മധുരയിൽ നടൻ കമൽഹാസൻ ''മക്കൾ  നീതി മയ്യം'' എന്ന  തന്റെ രാഷ്ട്രീയ പാർട്ടിയുടെ പ്രഖ്യാപനം നടത്തി.
• ഇന്ത്യൻ വനിതാ സൂപ്പർ സ്റ്റാർ ശ്രീദേവി അന്തരിച്ചു.
• 17 വർഷങ്ങൾക്ക് ശേഷം ദേശീയ വോളിബാൾ ചാമ്പ്യൻഷിപ്പിൽ കേരള പുരുഷ വിഭാഗം ജേതാക്കളായി.  
• മാലിദ്വീപിൽ അടിയന്തരാവസ്ഥാ പ്രഖ്യാപിച്ചു. 
• ദേശിയ കാര്യങ്ങളിലേക്ക് വന്നാൽ എടുത്തുപറയേണ്ട ഒന്നാണ് എൻ ഡി എ സർക്കാരിന്റെ അവസാനത്തെ സമ്പൂർണ ബജറ്റ് ധനമന്ത്രി അരുൺ ജെയ്‌റ്റിലി അവതരിപ്പിച്ചു. 
• ഇതേ മാസത്തിൽ തന്നെ ധനമന്ത്രി ഡോ. തോമസ് ഐസക് കേരള സർക്കാരിന്റെ ബജറ്റ് അവതരിപ്പിച്ചു.   
• അണ്ടർ 19 ലോക  ക്രിക്കറ്റ് കപ്പിൽ ഇന്ത്യൻ ടീം ജേതാക്കളായി. 
• എകെ ശശീന്ദ്രൻ വീണ്ടും മന്ത്രിയായി. 
• 2018 ഫെബ്രുവരിയിൽ കേരളത്തെ ഞെട്ടിച്ച്  പാലക്കാട് അഗളിയിൽ കടകളിൽ നിന്ന് മോഷണം നടത്തുന്നുവെന്നാരോപിച്ച് ആദിവാസി യുവാവ് വധുവിനെ ആൾക്കൂട്ടം മർദിച്ചുകൊന്നു.

         മാർച്ച് ------------------                                           

• 2018 മാർച്ചിന്റെ തുടക്കത്തിൽ  തന്നെ കേരളത്തിന്റെ ഔദോഗിക പഴമായി ചക്കയെ പ്രഖ്യാപിച്ചു.
• 180 കിലോമീറ്ററിലേറെ നടന്ന് മഹാരാഷ്ട്രയിലെ കർഷകരുടെ     കർഷകരുടെ ലോങ്‌മാർച്ച് മുംബയിലെത്തിയത് സർക്കാരിനെ പിടിച്ച് കുലുക്കിയ സംഭവങ്ങളിൽ ഒന്നായി മാറി. 
• ജർമനിയിൽ അംഗലാ മെർക്കൽ വീണ്ടും ചാൻസിലർ ആയതും വിൻസന്റ് മ്യാന്മാർ പ്രസിഡന്റായതും പോയ മാർച്ചിലായിരുന്നു.  
• ത്രിപുര നിയമസഭ തെരഞ്ഞെടുപ്പിൽ ബിജെപി അധികാരത്തിലെത്തി.
• നാഗാലാൻഡ്,മേഘാലയ സംസ്ഥനങ്ങളിൽ ബിജെപി സഖ്യ സർക്കാർ രൂപികരിച്ചു. 
• ആധുനിക പ്രപഞ്ച ശാസ്ത്രത്തിന്റെ സൂപ്പർ താരം സ്റ്റിഫൻ ഹോക്കിങ് അന്തരിച്ചത്  2018 മാർച്ച് മാസത്തിലായിരുന്നു. 
• ഇതേ മാസത്തിൽ തന്നെ കേരത്തിലെ പ്രശസ്തയായ അഭിഭാഷകയും സാമൂഹിക പ്രവർത്തകയും ആയിരുന്ന ജസ്റ്റിസ് ഡി ശ്രീദേവിയും എഴുത്തുകാരൻ അന്തരിച്ചു.
• കേരളത്തിൽ കോളിളക്കം സൃഷ്‌ടിച്ച ആതിര (ഹാദിയ ) - ഷഫീൻജഹാൻ വിവാഹം നിയമപരമാണെന്ന് സുപ്രീംകോടതി വിധിച്ചു.

                     ഏപ്രിൽ-----------------     

• ഏപ്രിൽ മാസം നിരവധി സന്തോഷ നിമിഷങ്ങൾ സമ്മാനിച്ചെങ്കിലും ലോകത്ത് തന്നെ ചർച്ച ചെയ്യാനിടവരുത്തിയ അതിദാരുണമായ പീഡനത്തിന് സാക്ഷ്യം വഹിച്ചു. 
• ജമ്മുവിലെ കടവയിൽ എട്ടു വയസ്സുകാരിയെ പീഡിപ്പിച്ച് കൊലപ്പെടുത്തി. ഈ സംഭവം ഭീകരമെന്ന്‌ ഐക്യ രാഷ്ട്ര സഭ സെക്രട്ടറി ജനറൽ ആൻറ്റോർണിയോ ഗുട്ടറെസ്  അഭിപ്രായപ്പെട്ടു. 
• ജമ്മുവിൽ നടന്ന ഈ സംഭവം ഇന്ത്യയുടെ പലഭാഗത്തും പ്രതിഫലിച്ചു. ഇതിനെ തുടർന്ന് 12 വയസ്സിൽ താഴെയുള്ള പെൺകുട്ടികളെ ബലാത്സംഗം ചെയ്താൽ വധശിക്ഷ നൽകുന്ന തരത്തിൽ ക്രിമിനൽ നിയമ ഭേദഗതി ചെയ്യാനുള്ള ഓർഡിനൻസിനു കേന്ദ്ര മന്ത്രി സഭ അംഗീകാരം നൽകി. 
• മക്ക മസ്ജിദ് സ്ഫോടന കേസിൽ അസിമാനന്ദയടക്കം അഞ്ചു പ്രതികളെ എൻ.ഐ.എ കോടതി വെറുതെ വിട്ടു.വിധിക്ക് പിറകെ പ്രത്യേക കോടതി ജഡ്ജി രവീന്ദ്രർ റെഡ്‌ഡി രാജിവെച്ചു.
• അഫ്‌സ്പ നിയമം (ആംഡ് ഫോഴ്‌സ് സ്പെഷ്യൽ പവേഴ്സ് ആക്ട്  എന്നതിന്റെ ചുരുക്കരൂപമാണ് അഫ്‌സ്പ.1958 സെപ്തംബർ 11ന് ആണ് ഇന്ത്യൻ പാർലമെന്റ് ഈ നിയമം പാസാക്കിയത്. മേഖലകളിൽ നടപടികൾക്ക് സൈന്യത്തിന് അധികാരം നൽകുന്നതാണ് ഈ നിയമം) 
• വിന്നി മണ്ടേലയും പ്രശസ്ത മാധ്യമ പ്രവർത്തകൻ ടിവി ആർ ഷേണായി അന്തരിച്ചു. 
• കേംബ്രിഡ്‌ജ അനലറ്റിക വഴി 5.62 ലക്ഷം ഇന്ത്യക്കാരടക്കം 8.7 കോടി പേരുടെ വിവരങ്ങൾ ചോർന്നതായി ഫേസ്ബുക്. വ്യക്തികളുടെ സ്വകാര്യത സംരക്ഷിക്കുന്നതിൽ വലിയ തെറ്റുപറ്റിയതായി ഫേസ്ബുക് സ്ഥാപകൻ മാർക്ക് സക്കർ ബർഗ്. 
• ആസ്ട്രേലിയയിലെ ഗോൾഡ് കോസ്റ്റിൽ നടന്ന 21 - മാത് കോമൺവെൽത്ത് ഗെയിമ്സിൽ 26 സ്വർണം ഉൾപ്പെടെ 66 മെഡലുകൾ നേടി ഇന്ത്യ മൂന്നാം സ്ഥാനത്തെത്തി.

                       മെയ്------------------

• മെയ് മാസത്തിൽ കേരളത്തിലും ദേശിയ അന്തർദേശിയ രംഗങ്ങളിലും നിരവധി സംഭവങ്ങൾ നമുക്ക് കാണാൻ സാധിച്ചു. വിവാദങ്ങളെ തുടർന്ന് 2018 ലെ സാഹിത്യ നൊബേൽ പുരസ്കാരം നീട്ടിവെക്കാൻ തീരുമാനിച്ചു.
• 2018,2019 വര്ഷങ്ങളിലെ പുരസ്കാരം 2019 ൽ ഒന്നിച്ചു നൽകും എന്ന തീരുമാനത്തിൽ എത്തി.
• ചൊവ്വ ഗ്രഹത്തെ അടുത്തറിയാനുള്ള നാസയുടെ ആദ്യ റോബോട്ടിക് ദൗത്യമായ ഇൻസൈറ്റ് വിക്ഷേപിച്ചു. 
• ഇ - കൊമേഴ്‌സ് ചരിത്രത്തിലെ ഏറ്റവും വലിയ ഇടപാടിൽ ഇന്ത്യൻ ഓൺലൈൻ വ്യാപാര കമ്പനി ഫ്ളിപ്കാർട്ടിനെ അമേരിക്കൻ ചില്ലറ വില്പന ഭീമൻമാരായ വാൾമാർട്ട് 1600 കോടി ഡോളറിന് സ്വന്തമാക്കി.
• മലേഷ്യൻ പാർലമെന്റ് തെരഞ്ഞെടുപ്പിൽ  മുൻ പ്രധാനമന്ത്രി മഹാതീർ മുഹമ്മദ് നയിക്കുന്ന പ്രതിപക്ഷ സഖ്യം വിജയിച്ചു. ലോകത്തിലെ ഏറ്റവും പ്രായം കൂടിയ പ്രധാനമന്ത്രിയായി മഹാതീർ 92 -)൦ വയസ്സിൽ സത്യപ്രതിജ്ഞ ചെയ്തു.മഹാതീറിന്റെ പിതാവ് ഇസ്കന്ദർകുട്ടി മലബാറുകാരനായിരുന്നു.
• ഒമ്പത് വർഷത്തെ രാഷ്ട്രീയ അനിശ്ചിതത്തിനുശേഷം ലബനാനിൽ പാർലമെന്റ് തെരഞ്ഞെടുപ്പ് നടന്നു. 
• വ്ലാദിമിർ പുടിൻ നാലാമതും റഷ്യൻ പ്രസിഡന്റ് ആയി തിരഞ്ഞെടുക്കപെട്ടത് അന്തർദേശിയ മാധ്യമങ്ങളുടെ എക്സിറ്റ് പോൾ ഫലങ്ങൾക്ക് അനുകൂലമായിരുന്നു. 
• മാൻ ബുക്കർ പുരസ്‌കാരത്തിന് പോളിഷ് എഴുത്തുകാരി ഓൾഗ ട്രോകാർചുക് അർഹയായി. 
• ഫോബ്‌സ് മാസിക പുറത്തുവിട്ട ലോകത്തിലെ ഏറ്റവും സ്വാധീനമുള്ള നേതാക്കളുടെ പട്ടികയിൽ ചൈനീസ് പ്രസിഡന്റ് ഷീ ജിൻപിങ് ഒന്നാമത്.
• ഇന്ത്യൻ പ്രധാനമന്ത്രി നരേന്ദ്ര മോദി ഒമ്പതാം സ്ഥാനത്തും എത്തി. 
• മധ്യ ആഫ്രിക്കൻ രാജ്യമായ കോംഗോയിൽ എബോള പടർന്നു പിടിച്ച് 30 മരണം. 
• കോംഗോയിലേത് ഉയർന്ന അപായ സാധ്യതയുള്ള എബോളയായി ലോകാരോഗ്യ സംഘടന പ്രഖ്യാപിച്ചു. ഇതിന്റെ ഭാഗമായി ഇന്ത്യയിലും സുരക്ഷ ഏർപ്പെടുത്തി.  
• ദേശിയ രാഷ്ട്രീയത്തിൽ ചില നാടകീയമായ രംഗങ്ങൾ അരങ്ങേറി.
• കർണാടക നിയമസഭ തെരഞ്ഞെടുപ്പിൽ ബിജെപി ഏറ്റവും വലിയ ഒറ്റക്കക്ഷിയായെങ്കിലും അവസാനം കോൺഗ്രസ്സ് -ജെ.ഡി.എസ് സഖ്യം അധികാരത്തിലെത്തി.
• മൊബൈൽ സിംകാർഡ് ലഭിക്കാൻ ആധാർ നിർബന്ധമല്ലെന്നു കേന്ദ്ര സർക്കാർ മൊബൈൽ കമ്പനികൾക്ക് നിർദേശം നൽകി. 
• യുപി, രാജസ്ഥാൻ സംസഥാനങ്ങളിൽ ശക്തമായ പൊടിക്കാറ്റ് മൂലം 124 പേര് മരിച്ചു.  
• പ്രകാശത്തേക്കാൾ വേഗത്തിൽ സഞ്ചരിക്കുന്ന ടാക്യോൻ കണങ്ങളെക്കുറിച്ചുള്ള പഠനത്തിലൂടെ ശാസ്ത്ര ലോകത്തെ വിസ്മയിപ്പിച്ച വിഖ്യാത ഭൗതിക ശാസ്ത്രജ്ഞൻ മലയാളിയായ ഡോ. ഇ.സി.ജി സുദർശൻ അമേരിക്കയിലെ ടെക്‌സസിൽ അന്തരിച്ചു. 
• തൂത്തുക്കുടിയിൽ വേദാന്ത ലിമിറ്റഡിന്റെ നിയന്ത്രണത്തിലുള്ള സ്റ്റെർലൈറ്റ് കോപ്പർ പ്ലാന്റിനെതിരെ പ്രതിഷേധിച്ച് ഗ്രാമവാസികൾ നടത്തിയ കളക്‌ടറേറ് മാർച്ചിനുനേരെ ഉണ്ടായ വെടിവെയ്പ്പിൽ 14 പേർ കൊല്ലപ്പെട്ടു. 
• മേയ് മാസം കേരളത്തെ പ്രതേകിച്ച് കോഴിക്കോട് ജില്ലയെ ഭീതിയുടെ മുൾമുനയിൽ നിർത്തിയ മാസമെന്നു പറയേണ്ടിവരും. 
• കോഴിക്കോട് ജില്ലയിലെ പേരാമ്പ്ര പന്തിക്കര സൂപ്പിക്കടയിൽ ഒരു കുടുംബത്തിലെ രണ്ടുപേരടക്കം മൂന്നു പേർ  മരിച്ചതിനെതുടർന്നുള്ള പരിശോധനയിൽ നിപ വൈറസ് മൂലം 17  പേർ മരിച്ചു.
• രോഗിയെ ശുശ്രൂഷിച്ച് നിപ ബാധിച്ച് മരിച്ച ലിനി എന്ന 31 കാരി നഴ്‌സ് ഈ രോഗത്തിന്റെ പ്രതീകമായി. 
• കുറ്റാന്യോഷണ മാന്ത്രിക നോവലുകളെഴുതി പ്രശസ്തനായ നോവലിസ്റ്റ് കോട്ടയം പുഷ്പനാഥ് അന്തരിച്ചു.
• എസ്.എസ്.എയും ആർ.എം.എസ്.എയും ലയിച്ച് ഒന്നാം ക്ലാസ് മുതൽ പ്ലസ്‌ടു വരെ ഇനി നിയന്ത്രിക്കുന്നത്  എസ്.എസ്.എ ആയിരിക്കുമെന്ന് കേരള സർക്കാർ പ്രഖ്യാപിച്ചു.

          ജൂൺ ----------------

• ജൂൺ മാസം  രാഷ്ട്രീയ സാമ്പത്തിക രംഗങ്ങളിൽ നിരവധി പ്രശനങ്ങളും സാങ്കേതിക രംഗത്ത് കണ്ടുപിടുത്തങ്ങളും കാഴ്ചവെച്ച മാസമായിരുന്നു.
• സ്‌പെയിനിൽ പ്രധാനമന്ത്രി മരിയാണോ റജോയ് പടിയിറങ്ങി.സോഷ്യലിസ്റ്റ് നേതാവ് പെഡ്രോ സാഞ്ചസ് അധികാരമേറ്റു.
• റഷ്യയയിലെ  ലുക്ക് നിക്കി സ്റ്റേഡിയത്തിൽ ഒരു മാസം നീണ്ടുനിക്കുന്ന ലോക കപ്പ് ഫുട്ബോളിന് ജൂൺ 14 ന് തുടക്കമായി.
• യൂ.എൻ. മനുഷ്യാവകാശ കൗൺസിലിൽ നിന്ന് യു.എസ്. പിന്മാറി.
• സൗദി അറേബിയയുടെ ചരിത്രത്തിൽ പുതിയ അധ്യായം രചിച്ച് പൊതുനിരത്തുകളിൽ വനിതകൾ വാഹനമോടിച്ചുതുടങ്ങി.
• വനിതകളുടെ ഡ്രൈവിംഗ്   ലൈസൻസിന് ദശകങ്ങൾ തുടർന്ന നിരോധനം നീക്കിയതോടെ അരലക്ഷത്തോളം വനിതകൾ ലൈസൻസ് സമ്പാദിച്ചു. 
• വീഡിയോ ഗെയിമുകളോടുള്ള അടിമത്തം മാനസിക വൈകല്യങ്ങളുടെ പട്ടികയിൽ ഉൾപെടുത്തി ലോകാരോഗ്യ സംഘടന.
• സാങ്കേതിക രംഗത്തെ കുതിച്ചുചാട്ടത്തിന്റെ  ഭാഗമായി കുഞ്ഞൻ കമ്പ്യൂട്ടർ വികസിപ്പിച്ചെടുത്തു. 
• ഇന്ത്യ സ്വന്തമായി വികസിപ്പിച്ച ദീർഘദൂര മിസൈലായ അഗ്‌നി -5 വിജയകരമായി പരീക്ഷിച്ചു. 
• ആത്മഹത്യ ശ്രമം ക്രിമിനൽ കുറ്റമാക്കുന്ന ഇന്ത്യൻ ശിക്ഷ നിയമത്തിലെ വ്യവസ്ഥ ഇല്ലാതാക്കി. 
• സ്വിസ് ബാങ്കായ യു. എസ്.ബി നടത്തിയ പഠനത്തിൽ ലോകത്തിലെ കഠിനാദ്ധ്വാനികളുടെ നഗരമായി മുംബൈ നഗരത്തെ തെരഞ്ഞെടുത്തു. 
• ഉത്തർപ്രദേശിലെ കാൺപൂർ സർക്കാർ ആശുപത്രിയിലെ തീവ്രപരിചരണ യൂണിറ്റിൽ എ.സി. തകരാറിലായതിനെ തുടർന്ന് അഞ്ചു വയോധികർ മരിച്ചു. 
• രാക്ഷ്ട്രീയ കിസാൻ മഹാസംഘ ദേശീയതലത്തിൽ കർഷക ബന്ദ് നടത്തി. 
• ഇന്ത്യൻ റീഡർഷിപ്പ് സർവേ (ഐ.ആർ.എസ്) 2017 പ്രകാരം കേരളത്തിൽ ചാനൽ പ്രേക്ഷകരെക്കാൾ പത്രവായനക്കാരാണെന്ന് റിപ്പോർട്ട്. 
• ഡൽഹി മുഖ്യമന്ത്രി അരവിന്ദ് കേജവാരിവാളും മന്ത്രിമാരും ലഫ്.ഗവർണറുടെ വസതിയിൽ ഒമ്പത് ദിവസം നീണ്ടുനിന്ന കുത്തിയിരുപ്പ് സമരം നടത്തി. 
• കുട്ടികളെ കടത്തിക്കൊണ്ട് പോകുന്നവർ എന്ന് ആരോപിച്ച് ആസ്സാമിലെ കർബി അങ് ലെങ് ജില്ലയിൽ രണ്ടുപേരെ ജനം തല്ലിക്കൊന്നു.
• മുതിർന്ന മാധ്യമ പ്രവർത്തകനും ''റൈസിംഗ് കാശ്മീർ '' പത്രത്തിന്റെ എഡിറ്ററുമായ ശുജാഅത്ത് ബുഖാരി ശ്രീനഗറിൽ വെടിയേറ്റ് മരിച്ചു.  
• ഈ സംഭവത്തിൽ പ്രതിഷേധിച്ച് ജമ്മു കശ്‌മീരിലെ പത്രങ്ങൾ ചരിത്രത്തിൽ ആദ്യമായി എഡിറ്റോറിയൽ കോളം ഒഴിച്ചിട്ട് പുറത്തിറക്കി.
• മാധ്യമ പ്രവർത്തക ഗൗരി ലങ്കേഷിനെ കൊലപ്പെടുത്തിയ കേസിൽ പരശുറാം  വാഗ്‌മോർ  എന്ന മുഖ്യപ്രതി പിടിയിലായി. 
• ജമ്മു കാശ്മീരിൽ ബിജെപി പിന്തുണ പിൻവലിച്ചതിനെ തുടർന്ന് മഹ്ബൂബ മുഫ്‌തി മന്ത്രിസഭ രാജിവെച്ചു. 
• സംസ്ഥാനത്ത് ഗവർണർ ഭരണം ഏർപ്പെടുത്തി. 
• തുർക്കി തെരഞ്ഞെടുപ്പിൽ റജബ് ത്വയ്യബ് ഉർ ദുഗാനും അക്  പാർട്ടിയും വിജയിച്ചു.
• നെൽവയൽ തണ്ണീർത്തട സംരക്ഷണ (ഭേദഗതി)ബിൽ കേരള നിയമസഭ  പാസ്സാക്കി. 
• സാമ്പത്തിക ഇടപാട് കേസുകളെ തുടർന്ന് ദുബായ് ജയിലിൽ ആയിരുന്ന അറ്റ്‌ലസ് രാമചന്ദ്രൻ ജയിൽ മോചിതനായി.
• മുഹമ്മദ് യാസിനെ സംസ്ഥാന വിജിലൻസ് ഡയറക്ടറായി നിയമിച്ചു.
• മാധ്യമ പ്രവർത്തകയും ജന്മഭൂമി എഡിറ്ററുമായ ലീല മേനോൻ അന്തരിച്ചു. 
• ഭാഷ വ്യാകരണ പണ്ഡിതനും സാഹിത്യകാരനും അധ്യാപകനുമായിരുന്ന പ്രഫ. പന്മന രാമചന്ദ്രൻ നായർ അന്തരിച്ചു.
• സംസ്ഥാനത്ത് ശക്തമായ കാറ്റും മഴയും മൂലം വിവിധ ഭാഗങ്ങളിലായി 17 പേർ മരിച്ചു.ആറ് ജില്ലകളിൽ റെഡ് അലേർട്ട് പ്രഖ്യാപിച്ചു.

                      ജൂലൈയ് മാസം--------------------

•  പ്രതീക്ഷകളും വിജയങ്ങളും കൊടുവന്നു.
• കെനിയയിലെ ട്രൈസ്റ്റോണും ഒമാനിലെ പുരാതന നഗരവും സൗദി അറേബ്യായിലെ മരുപ്പച്ചയും യുനെസ്‌കോയുടെ ലോക പൈതൃകപ്പട്ടികയിൽ ഉൾപ്പെടുത്തി. 
• വടക്കേ അമേരിക്കൻ രാജ്യമായ മെക്സിക്കോയിൽ പതിറ്റാണ്ടുകൾക്കുശേഷം ഇടതുപക്ഷ സർക്കാർ അധികാരത്തിൽ വന്നു. 
• ശ്രീലങ്കൻ വംശജനായ കനേഡിയൻ എഴുത്തുകാരൻ മൈക്കിൾ ഒണ്ടാഷെയുടെ '' ദ ഇംഗ്ലീഷ് പേഷ്യന്റ് '' ഗോൾഡൻ മാൻ ബുക്കർ പ്രൈസ് നേടി. 
• തുർക്കിയിൽ ഉർദുഗാൻ വീണ്ടും അധികാരത്തിലെത്തി. 
• 21-)൦മത് ലോകകപ്പ് ഫുട്ബാളിന്റെ ഫൈനൽ മത്സരത്തിൽ ക്രൊയേഷ്യയെ തൊൽപ്പിച്ച് ഫ്രാൻസ് ലോകകപ്പ് നേടി. 
• ലോകം കണ്ട ഏറ്റവും വലിയ രക്ഷാദൗത്യത്തിനൊടുവിൽ തായ്‌ലൻഡിലെ താംലുവാങ് ഗുഹയിലെ ഇരുട്ടറയിൽ നിന്ന് 17 ദിവസങ്ങൾക്ക് ശേഷം 12 കുട്ടികളും ടീം കോച്ചും പുറംലോകത്തെത്തി രക്ഷപെടുത്തി.
• മുൻ മേഖാലയ ഗവർണറും കേന്ദ്രമന്ത്രിയുമായിരുന്ന എം.എം ജേക്കബ് നിര്യാതനായി.
• ഇന്റർനെറ്റ് സമത്വ നിയമങ്ങൾക്ക് ടെലികോം കമ്മീഷൻ അംഗീകാരം നൽകി. 
• ടെലികോം റെഗുലേറ്ററി അതോറിറ്റി ഓഫ് ഇന്ത്യ (ട്രായ് ) ആണ് ഇതുസംബന്ധിച്ച് നിർദേശങ്ങൾ സമർപ്പിച്ചത്. 
• ഇഷ്ടപെട്ട ജീവിത പങ്കാളിയെ ലിംഗഭേദമില്ലാതെ തെരഞ്ഞെടുക്കാനുള്ള സ്വാതന്ത്ര്യം ഭരണഘടന അനുവദിക്കുന്നതാണെന്ന് സുപ്രിം കോടതി.
• ഡൽഹിയിൽ അന്തരീക്ഷ മലിനീകരണം മൂലം 14800 പേർ 2016 ൽ അകാല മരണത്തിന് വിധേയമായെന്ന് പഠനം. 
• രാജ്യത്ത് നടക്കുന്ന വിദ്വെഷ -ആൾക്കൂട്ട അതിക്രമങ്ങളിൽ ഏറ്റവും മുന്നിൽ ഉത്തർപ്രദേശും രണ്ടാമത് ഗുജറാത്തുമാണെന്ന് ആംനസ്റ്റി ഇന്റർനാഷണൽ റിപ്പോർട്ട്.
• പ്രമുഖ സാമൂഹ്യ പ്രവർത്തകൻ സ്വാമി അഗ്നിവേശിനു നേരെ ജാർഖണ്ഡിലെ പാവൂരിൽ ആക്രമണം. 
• 15 വർഷത്തിനിടെ ആദ്യമായി ലോക്സഭയിൽ സർക്കാരിനെതിരെ അവിശ്വാസ പ്രമേയം (126 നെതിരെ 325 വോട്ടുകൾക്ക് പ്രമേയം പരാജയപെട്ടു.) 
• ഏഷ്യൻ നൊബേൽ എന്നറിയപ്പെടുന്ന രമൺ മാഗ്‌സാസെ അവാർഡിന് ഇന്ത്യക്കാരനായ ഡോ. ഭാരത് വത്വനി, സോനം വാങ് ചുക് എന്നിവർ അർഹരായി.
• ആസാമിൽ ദേശീയ പൗരത്വപ്പട്ടിക (എൻ.ആർ.സി )പുറത്തിറക്കി.40 ലക്ഷത്തിനതികംപേർ പട്ടികക്ക് പുറത്തായി. 
• മഹാരാജാസ് കോളേജിൽ എസ്. എഫ്.ഐ നേതാവ് അഭിമന്യു വധിക്കപ്പെട്ടു. 
• കടകളിൽ ജോലി ചെയ്യുന്നവർക്ക് ഇരിക്കാൻ സൗകാര്യമൊരുക്കണമെന്ന് വ്യവസ്ഥ കൂട്ടിച്ചേർത്ത് കേരള ഷോപ്‌സ് ആൻഡ് എസ്റ്റാബ്ലിഷ്‌മെന്റ് ആക്ട് (1960 )ഭേദഗതി നടത്തി. 
• മഴയിൽ സംസഥാനത്ത് വെള്ളപ്പൊക്കവും നാശനഷ്ട്ടങ്ങളും. 318 ലധികം പേർ മരിച്ചു.
• 33 വർഷത്തിനു ശേഷം  ഇടുക്കിയിലെ അണക്കെട്ടുകളിൽ ഏറ്റവും ഉയർന്ന ജലനിരപ്പ്.
• പ്രാർത്ഥിക്കാനുള്ള സ്ത്രീയുടെ അവകാശം ഭരണഘടനാപരമെന്നും.ശബരിമലയിൽ എല്ലാ സ്ത്രീകൾക്കും പോകാമെന്നും സുപ്രിംകോടതി. 
• സമ്പൂർണമായും സൗരോർജത്തിൽ പ്രവർത്തിക്കുന്ന ലോകത്തിലെ ആദ്യ വിമാനത്താവളമായ കൊച്ചിൻ ഇന്റർനാഷണൽ എയർപോർട്ട് ലിമിറ്റഡിന്(സിയാൽ)ഐക്യരാഷ്ട്രസഭയുടെ ഏറ്റവും വലിയ പരിസ്ഥിതി പുരസ്കാരമായാ '' ചമ്പ്യാൻ ഓഫ് എർത്ത് '' എന്ന പരിസ്ഥിതി നോബൽ പ്രൈസ് ലഭിച്ചു.

                ഓഗസ്റ് മാസത്തിന്റെ ഓർമയിൽ ---------------------- -

• സിംബാവെയിൽ പാർലമെന്റ് തെരഞ്ഞെടുപ്പിൽ ഭരണകക്ഷിയായ സാനു പി.എഫ് പാർട്ടിക്ക് ഭൂരിപക്ഷം. 
• എമേഴ്‌സൺ നംഗാഗ്വ പ്രസിഡന്റ്  ആയി.
• ആഭ്യന്തര വിഷയങ്ങളിൽ അമിത ഇടപെടൽ നടത്തുന്നതായി ചൂണ്ടികാട്ടി കാനഡയുമായി നയതന്ത്രബന്ധം സൗദി അറേബ്യാ അവസാനിപ്പിച്ചു.
•  ഇറാഖിനെതിരെ യു.എസ്  പ്രഖ്യാപിച്ച ഉപരോധം നിലവിൽ വന്നു.
• സൂര്യനെ പറ്റി പഠിക്കാൻ നാസ അയക്കുന്ന പർക്കർ സോളാർ പ്രോബ് (പി.എസ്.പി ) ഫ്ലോറിഡയിലെ കേപ് കനാവെറൽ എയർഫോഴ്‌സ്‌ സ്റ്റേഷനിലെ സ്‌പെയ്‌സ് കോംപ്ലക്സ് 37 ൽ നിന്ന് വിക്ഷേപണം നടത്തി.
• ഇൻഡോനേഷ്യയിലെ ജക്കാർത്തയിൽ 18 മാത് ഏഷ്യൻ ഗെയ്മസ് അരങ്ങേറി. (ചരിത്രത്തിലാദ്യമായി ജകാർത്തയിലും സൗത്ത് സുമിത്രയുടെ തലസ്ഥാനമായ പാലോംബാങ്ങിലുമായി രണ്ട് നഗരങ്ങളിലാണ് മത്സരങ്ങൾ നടന്നത്.
• ഐക്യരാഷ്‌ട്ര സഭ മുൻ സെക്രട്ടറി ജനറലും സമാധാനത്തിനുള്ള നോബൽ സമ്മാന ജേതാവുമായ  കോഫി അന്നൻ സ്വിറ്റ്സർലാൻഡിലെ ബേണിൽ അന്തരിച്ചു.
• പാകിസ്താന്റെ  22 മാത് പ്രധാനമന്തിയായി ഇമ്രാൻഖാൻ അധികാരമേറ്റു.
• ആസ്ട്രേലിയൻ ഭരണ കക്ഷിയിലെ തർക്കം മൂലം മാൽകം ടേൺ ബൂളിന് പകരം മോറിസൺ പുതിയ പ്രധാന മന്ത്രിയായി.
• യു എസ്  സെനറ്ററും മുൻപ്രസിഡന്റ് സ്ഥാനാർത്ഥിയുമായ ജോൺ മക്കെയ്ൻ അന്തരിച്ചു. 
• മ്യാൻമറിലെ അണക്കെട്ട് തകർന്ന് 100 ഗ്രാമങ്ങൾ വെള്ളത്തിലായി.
• തമിഴ് നാട് മുൻ മുഖ്യമന്ത്രിയും 60 വർഷം തുടർച്ചയായി നിയമസഭാഅംഗവുമായ കലൈഞ്ജർ എം കരുണാനിധി അന്തരിച്ചു.
• രാജ്യസഭാ ഉപാധ്യക്ഷ തെരഞ്ഞെടുപ്പിൽ എൻ ഡി എ യുടെ ഹരിവൻശ് നാരായൺ സിങ് വിജയിച്ചു.
• വിവാദ മുതാലാഖ് ബിൽ രാജ്യസഭയിൽ അവതരിപ്പിക്കാനുള്ള നീക്കത്തിൽ നിന്ന് മോദി സർക്കാർ പിന്മാറി.
• ഇന്ത്യൻ വേരുകളും ഇന്ത്യൻ പൗരത്വവുമുള്ള നൊബേൽ, ബുക്കർ ജേതാവും പ്രമുഖ എഴുത്തുകാരനുമായ വി എസ് നായ് പോൾ അന്തരിച്ചു.
• മുൻ ലോക്സഭാ സ്പീക്കറും കമ്യൂണിസ്റ് നേതാവുമായിരുന്ന സോമനാഥ് ചാറ്റർജി അന്തരിച്ചു.
• മുൻ പ്രധാനമന്ത്രിയും ബിജെപി നേതാവുമായ അടൽ ബിഹാരി വാജ്‌പേയ് (93) അന്തരിച്ചു.
• ഇന്ത്യയിൽ കാലവർഷം മൂലം 7 സംസ്ഥാനങ്ങളിലായി ഈ വർഷം 868 പേർ മരിച്ചതായി കേന്ദ്ര ആഭ്യന്തര മന്ത്രാലയം. 
• ഇന്ത്യയിൽ മാധ്യമലോകത്തെ കുലപതിയായ കുൽദീപ് നായർ അന്തരിച്ചു.
• മനുഷ്യാവകാശ പ്രവർത്തകരായ സുധ ഭരദ്വാജ്, അരുൺ ഫെറാറിയ, ഗൗതം നവ്‌ലാഖ, വെർണോൻ   ഗോൺസാൽവസ്, വരവര റാവു എന്നിവരെ അറസ്റ്റു ചെയ്‌തു.
• അസാധു നോട്ടുകൾ മുഴുവൻ എണ്ണിത്തീർന്നതായും 99. 3ശതമാനവും തിരിച്ചെത്തിയതായും റിസർവ് ബാങ്ക്.
• മലയാളി ഗസൽ ഗായകൻ ഉമ്പായി (പി എ ഇബ്രാഹിം ) അന്തരിച്ചു.
• കേരള സംഗീത നാടക അക്കാദമി പ്രഫഷണൽ നാടകങ്ങൾക്കുള്ള 2017 ലെ സംസ്ഥാന അവാർഡുകൾ പ്രഖ്യാപിച്ചു. 
• കായംകുളം കെ പി എ സി യുടെ '' ഈഡിപ്പസ് '' മികച്ച നാടകം. ''ഈഡിപ്പസ് ''' സംവിധാനം ചെയ്ത മനോജ് നാരായണൻ മികച്ച സംവിധായകൻ.
• എം ഡി വാസുദേവൻ നായർക്ക് 85 ആം പിറന്നാൾ
• കോഴിക്കോട് നഗരത്തിൽ ഒരാൾക്ക് വെസ്റ്റ് നൈൽ പനി  കണ്ടെത്തി.
• ചരിത്രത്തിലാദ്യമായി ഇടുക്കി പദ്ധതിയുടെ ഭാഗമായ ചെറുതോണി അണക്കെട്ടിന്റെ അഞ്ചു ഷട്ടറുകളും തുറന്നു. 
• ഇടുക്കിയടക്കം എട്ട് ജില്ലകളിൽ റെഡ് അലേർട്ട് പ്രഖ്യാപിച്ചു.
• സംസ്ഥാനത്ത് മഴക്കെടുതിയും പ്രളയദുരിതവും. 350 ലധികം മരണം. ഏഴരലക്ഷത്തോളം പേർ ദുരിതാശ്വാസ ക്യാമ്പുകളിൽ.
• കവി ചെമ്മനം ചാക്കോ  അന്തരിച്ചു. 
• കേരളത്തിൽ പ്രളയത്തെ തുടർന്ന് 2774 ദുരിതാശ്വാസ ക്യാമ്പുകളിലായി 1040688 പേർ എത്തിപെട്ടതായി ഔദ്യോഗിക കണക്ക്.
• ഏഷ്യൻ ഗെയിമസ് അത്‌ലറ്റിക്‌സിൽ മലയാളി താരം മുഹമ്മദ് അനസിന് വെള്ളി മെഡൽ.
• ജക്കാർത്തയിൽ നടന്ന ഏഷ്യൻ ഗെയിമ്സിൽ മലയാളിയായ നീന പിന്റോ വെള്ളി മെഡൽ നേടി.........

സെപ്റ്റംബർ   അന്തർദേശീയം -----------------------

• മ്യാൻമറിലെ റോഹിൻഗ്യൻ കൂട്ടക്കൊലയെ കുറിച്ച് അന്യോഷണം നടത്തവേ അറസ്റ്റിലായ രണ്ട് റോയിട്ടേഴ്‌സ് മാധ്യമപ്രവർത്തകർക്ക് ഏഴുവർഷം തടവ് വിധിച്ചു.
• ആരിഷ് ആൽവി പാകിസ്ഥാന്റെ 13 മത് പ്രസിഡന്റ് ആയി. ആസ്‌ട്രേലിയ 12 കോടി രൂപ വിലയുള്ള സ്വർണ നാണയം (ഡിസ്‌കവറി )പുറത്തിറക്കി.
• ജെബി കൊടുങ്കാറ്റിൽ ജപ്പാനിൽ 18 മരണം .
• യു എസ് ഓപൺ ടെന്നിസ് വനിത സിംഗിൾസിൽ സെറീന വില്യംസിനെ തോൽപ്പിച്ച് ആദ്യ ജപ്പാൻ വനിത നവോമി ഒസാക്ക കിരീടം നേടി.
• ഫിലിപ്പീൻസിൽ നാശം വിതച്ച് മാങ് ഖുട്ട്  ചുഴലിക്കാറ്റ്. 65 പേർ മരിച്ചു.
• ഹൈട്രജൻ ഇന്ധനമാക്കിയ ലോകത്തെ ആദ്യ ട്രെയിൻ ജർമനിയിൽ വാണിജ്യാടിസ്ഥാനത്തിൽ ഓട്ടം തുടങ്ങി.
• മാലദ്വീപിൽ തെരഞ്ഞെടുപ്പ് നടന്നു. പ്രതിപക്ഷ സ്ഥാനാർഥി ഇബ്രാഹിം മുഹമ്മദ് സാലിഹ് വിജയിച്ചു.
• ഫിഫയുടെ ലോക ഫുട്ബാളർ പുരസ്കാരം (ബെസ്റ്റ് പ്ലെയർ അവാർഡ്) ക്രൊയേഷ്യയുടെ ലുക്കാ മോട്രിച്ചിന് സമ്മാനിച്ചു.
• സീസണിലെ ഏറ്റവും മികച്ച ഗോളിന് ഫിഫ നൽകുന്ന പുസ്‌കാസ് അവാർഡ് ഈജിപ്തിന്റെ ലിവർപൂൾ താരം മുഹമ്മദ് സലാഹ് നേടി.(ഇംഗ്ലീഷ് പ്രീമിയർ ലീഗ് മത്സരത്തിൽ ഇവർട്ടണിനെതിരെ നേടിയ ഗോളിനാണ് പുരസ്കാരം.)
• ഗൂഗ്‌ൾ എന്ന സേർച്ച് എൻജിന് 20 വയസ്സ് (1998 സെപ്തംബർ നാലിനാണ് ഗൂഗ്‌ൾ സ്ഥാപിതമായത്.)
• ഇൻഡോനേഷ്യയിലെ സുലവേസി ദ്വീപിലുണ്ടായ ഭൂചലനത്തിലും സുനാമിയിലും 1900 ത്തിലധികം പേർ  മരിച്ചു..
• ഇൻഡോനേഷ്യയിലെ സുനാമിക്കിടെ സ്വന്തം ജീവൻ ബലികൊടുത്ത് സുനാവൻ എന്ന ട്രാഫിക് ജീവനക്കാരൻ നൂറിലേറെ പേരുടെ ജീവൻ രക്ഷിച്ച് ലോക ശ്രദ്ധ നേടി.

ദേശീയം ---------------

• രാജ്യത്ത് തപാൽ ബാങ്കിന് തുടക്കം കുറിച്ചു.18 മത് ഏഷ്യൻ ഗെയിമ്സ്  ജക്കാർത്തയിൽ സമാപിച്ചു. ഇന്ത്യക്ക് 69 മെഡലോടെ 15 സ്വർണം, 24 വെള്ളി, 30 വെങ്കലം. ചരിത്രനേട്ടം. അടുത്ത ഏഷ്യൻ ഗെയിംസ് 2022 ൽ കിഴക്കൻ ചൈനീസ് നഗരമായ ഹങ് ചൗവിൽ.
• മുൻ ഐ പി എസ് ഓഫീസർ സഞ്ജീവ് ഭട്ടിനെ ഗുജറാത്ത് സി ഐ ഡി അറസ്റ്റ് ചെയ്തു.
• പ്രായപൂർത്തിയായവരുടെ പരസ്പര സമ്മത പ്രകാരമുള്ള സ്വവർഗരതി ക്രിമിനൽ കുറ്റമല്ലെന്ന് സുപ്രിം കോടതി . 
• ഇതോടെ ഇന്ത്യ സ്വവർഗലൈംഗികത കുറ്റമല്ലാതാകുന്ന ലോകത്തിലെ 26 മത്തെ രാജ്യമായി.
• ധാക്കയിൽ നടന്ന ഏഷ്യൻ ഫെഡറേഷൻ (സാഫ്) കപ്പ് ഫീട്ബാളിൽ എട്ടുതവണ ജേതാക്കളായ ഇന്ത്യയെ തോൽപ്പിച്ച് മാലദ്വീപ്.
• ആത്മഹത്യ നിരക്കിൽ ഇന്ത്യ ഏറ്റവും മുന്നിലാണെന്ന് ലണ്ടൻ ആസ്ഥാനമായി പ്രവർത്തിക്കുന്ന ലാൽസെറ്റ് ഫൗണ്ടേഷൻ പഠനം.
• രാജ്യത്തെ ആദ്യ വനിതാ ഐ എ എസുകാരി മലയാളിയായ അന്ന രാജം മൽഹോത്ര അന്തരിച്ചു.
• ഇന്ത്യൻ ക്രിക്കറ്റ് ടീം ക്യാപ്റ്റൻ വിരാട് കൊഹ്‍ലിയെയും വെയ്റ്റ് ലിഫ്റ്റിങ് ലോക ചമ്പ്യാൻ മീര ഭായ് ചാനുസിനെയും രാജീവ് ഗാന്ധി ഖേൽരക്ന് പുരസ്‌കാരത്തിന് ശുപാർശ ചെയ്തു.
• മുത്തലാഖ് കുറ്റകരമായി രാഷ്ട്രപതി ഓർഡിനൻസ് പുറപ്പെടുവിച്ചു.
• തെരഞ്ഞെടുപ്പിൽ മത്സരിക്കുന്ന സ്ഥാനാർത്ഥികളുടെ ക്രിമിനൽ പശ്ചാത്തലം പാർട്ടികൾ ഔദ്യോഗിക വെബ്‌സൈറ്റുകളിൽ പ്രസിദ്ധപ്പെടുത്തണമെന്ന് സുപ്രിം കോടതി ബെഞ്ച  വിധിച്ചു.
• ആധാർ ഭരണഘടനാ പരവും നിയമപരവും ആണെന്ന്  ചീഫ് ജസ്റ്റിസ് ദിപക് മിശ്ര അധ്യക്ഷനായ സുപ്രിം കോടതിയുടെ അഞ്ചംഗ ഭരണഘടനാ ബെഞ്ച 4:1ഭൂരിപക്ഷത്തിൽ വിധിച്ചു.
• ഇന്ത്യയുടെ ചൊവ്വ ദൗത്യമായ മംഗൾയാന്റെ ചൊവ്വയുടെ ഭ്രമണപഥത്തിലെ സഞ്ചാരം നാലുവർഷം പിന്നിട്ടു.
• 45 മത്  സുപ്രിം കോടതി ചീഫ് ജസ്റ്റിസ് ദീപക് മിശ്ര വിരമിച്ചു. 46 മത് ചീഫ് ജസ്റ്റിസ് ആയി രഞ്ജൻ ഗോഗോയ് ചുമതലയേറ്റു.

കേരളം --------------------

• സംഗീത സംവിധായകനും വയലിനിസ്റ്റുമായ ബാലഭാസ്കറും മകൾ തേജസ്വിനി ബാലയും വാഹനാപകടത്തിൽ മരിച്ചു.
• കേരള പ്രഫഷനൽ കോളേജ് പ്രവേശന ക്രമപ്പെടുത്താൽ ഓർഡിനൻസ് -2017 സുപ്രിം കോടതി റദ്ദാക്കി.
• വള്ളത്തോൾ പുരസ്കാരം എം മുകുന്ദന്.
• ഐ എസ് ആർ ഒ ചാരക്കേസിൽ തെറ്റുകാരായ ഉദ്യോഗസ്ഥർക്കെതിരെ നടപടി സ്വീകരിക്കാൻ മൂന്നംഗ സമിതിയെ സുപ്രിം കോടതി നിയോഗിച്ചു.നമ്പി നാരായണന് 50 ലക്ഷം രൂപ കേരള സർക്കാർ നഷ്ടപരിഹാരം നൽകണമെന്നും സുപ്രിം കോടതി.
• നടനും സംവിധായകനും ആയ ക്യാപ്റ്റൻ രാജു അന്തരിച്ചു.
• കന്യാസ്ത്രീ പീഡനകേസിൽ ബിഷപ്പ് ഫ്രാങ്കോ മുളക്കൽ അറസ്റ്റിലായി.
• പായ്‌വഞ്ചിയിലേറി ഗോൾഡൻ ഗ്ലോബ് റെയ്‌സിൽ പങ്കെടുത്തുകൊണ്ടിരിക്കെ അപകടത്തിൽപെട്ട മലയാളി നാവികൻ അഭിലാഷ് ടോമിയെ രക്ഷപെടുത്തി.
• ശബരിമല ക്ഷേത്രത്തിൽ എല്ലാപ്രായത്തിലുമുള്ള സ്ത്രീകൾക്ക് സുപ്രിം കോടതി പ്രവേശനം അനുവദിച്ചു. ആർത്തവകാലത്തെ ക്ഷേത്ര പ്രവേശനം വിലക്കുന്ന ഹിന്ദു പൊതു ആരാധനാലയ ചട്ടം മൂന്ന് (ബി)റദ്ദാക്കി.
• കെ വി മോഹൻ കുമാറിന്റെ '' ഉഷ്‌ണരാശി കരപ്പുറത്തിന്റെ ഇതിഹാസം '' എന്ന നോവലിന് 42 മത് വയലാർ അവാർഡ്.

ഒക്ടോബർ ----------------------
 അന്തർരാഷ്‌ട്രീയം ----------

• ആദിൽ അബ്ദുൽ മഹ്‌ദി ഇറാഖ് പ്രധാനമന്ത്രിയായി. ഇറാഖ് പ്രസിഡന്റ് ആയി ബർഹാം സ്വാലിഹിനെ തെരഞ്ഞെടുത്തു. 
• മാധ്യമ പ്രവർത്തകൻ ജമാൽ ഖശൊഗി ഇസ്താംബൂളിലെ സൗദി കോൺസുലേറ്റിനുള്ളിൽ വെച്ച് കൊല്ലപ്പെട്ടു.
• ഫേസ്ബുക്കിന്റെ എതിരാളിയായി കൊണ്ടുവന്ന ഗൂഗിളിന്റെ സമൂഹ മാധ്യമ വിഭാഗമായ ഗൂഗ്‌ൾ പ്ലസ്  അടച്ചു പൂട്ടുകയാണെന്ന് ഗൂഗിൾ പ്രഖ്യാപിച്ചു.
• ജപ്പാൻ പാസ്‌പോർട്ട് ഉപയോഗിച്ച് വിസയില്ലാതെ പോകാവുന്ന രാജ്യങ്ങളുടെ എണ്ണം 190 ആയതോടെ ലോകത്തെ ഏറ്റവും ശക്തമായ പാസ്‌പോർട്ട് കൈവശം വെക്കുന്നവർ ജപ്പാൻകാരായി.

മൈക്രോ സോഫ്റ്റ് സഹ സ്ഥാപകനും വ്യവസായ ഭീമനുമായ പോൾ അലൻ അന്തരിച്ചു.
2018 ലെ മാൻ ബുക്കർ പുരസ്കാരത്തിന് വടക്കൻ അയർലണ്ടിൽ നിന്നുള്ള എഴുത്തുകാരി അന്ന ബേൺസ് അർഹയായി. ''മിൽക്ക് മാൻ ''എന്ന നോവലിനാണ് പുരസ്കാരം.
ലോകത്തിലെ ഏറ്റവും നീളം കൂടിയ കടൽപ്പാലം ചൈനയിൽ തുറന്നു.
ഇത്യോപ്യയിലെ  ആദ്യ വനിത പ്രസിഡന്റ് ആയി സാഹ്ൽ വർക് സൗദ് തിരഞ്ഞെടുക്കപ്പെട്ടു.
തീവ്ര വലതുപക്ഷ നേതാവ് ജെയിർ ബൊൽസൊനാരോ ബ്രസീൽ പ്രസിഡന്റ് ആയി.

നോബൽ 2018

വൈദ്യശാസ്ത്രം --- അമേരിക്കക്കാരനായ ജെയി൦സ് പി.അലിസൻ, ജപ്പാൻകാരനായ ടാസുകു ഓൻജോ.
ഭൗതികശാസ്ത്രം -------ആർതർ ആഷ്‌കിൻ, ജെറാൾഡ് മൗറോ, ഡോണ സ്‌ട്രിക്‌ലാൻഡ്
രസതന്ത്രം --------- അമേരിക്കയുടെ ഫ്രാൻസെസ് എച്ച്, ആർനോൾഡ്, ജോർജ് പി. സ്മിത്ത്, ബ്രിട്ടനിലെ സർ ഗ്രിഗറി പി. വിന്റർ.
സമാധാനം ---------- കൊംകോയിലെ ഡോക്ടറായ ടെന്നീസ് മുക് വെജ, ഇറാഖിലെ യസീദി വംശജനായ നാദിയ മുറാദ്.
സാമ്പത്തികം --------- യു എസ്  സാമ്പത്തിക ശാസ്ത്രജ്ഞരായ വില്യം നോർധൗസ്, പോൾ റോമർ.


ദേശീയം -------------
ദ ഹിന്ദു ദിനപത്രത്തിന്റെ പ്രസാധകൻ എൻ. രവിയെ പ്രസ് ട്രസ്റ്റ് ഓഫ് ഇന്ത്യയുടെ (പി.ടി.ഐ) ചെയർമാനായി തെരഞ്ഞെടുത്തു.
സി പി എം മുഖപത്രവും ത്രിപുരയിലെ ഏറ്റവും പ്രചാരമുള്ള രണ്ടാമത്തെ ദിനപത്രവുമായ ഡെയ്‌ലി ദേശാർക്കഥയുടെ ലൈസൻസ് ന്യൂസ് പേപ്പർ രജിസ്‌ട്രാർ (ആർ.എൻ.ഐ ) റദ്ദാക്കി.
ഏഷ്യാ കപ്പ് ക്രിക്കറ്റ് കിരീടം ബംഗ്ലാദേശിനെ തോൽപ്പിച്ച് ഇന്ത്യ കരസ്ഥമാക്കി.
ഗംഗ നദി ശ്വാശ്വതമായി ശുചീകരണമെന്ന ആവശ്യവുമായി 111 ദിവസമായി ഉപവാസസമരം നടത്തിവന്ന പ്രമുഖ പരിസ്ഥിതി പ്രവർത്തകൻ പ്രഫ.ജി ഡി അഗർവാൾ നിര്യാതനായി.
പ്രമുഖ ഹിന്ദുസ്ഥാനി സംഗീതജ്ഞയും വിഖ്യാത സിത്താർ വാദകൻ പണ്ഡിറ്റ് രവിശങ്കറിന്റെ ആദ്യ ഭാര്യയുമായ അന്നപൂർണ ദേവി അന്തരിച്ചു.
ലൈംഗിക പീഡന -വിവാദത്തിൽ കുടുങ്ങിയ കേന്ദ്ര വിദേശകാര്യ സഹമന്ത്രി എം ജെ അക്ബർ രാജിവെച്ചു.
 ആഗോള പട്ടിണി സൂചികയിൽ ഇന്ത്യ 103 ആം സ്ഥാനത്ത്. ഗുരുതരമായ പട്ടിണി നിലനിൽക്കുന്ന 45 രാജ്യങ്ങളുടെ പട്ടികയിലാണ് ഇന്ത്യ.
യു എന്നിന്റെ മികച്ച ജൈവ നയത്തിനുള്ള പുരസ്‌കാരത്തിന് സിക്കിം സംസ്ഥാനത്തെ തെരഞ്ഞെടുത്തു.
ലാറ്റിനമേരിക്കൻ രാജ്യമായ അർജന്റിനയിൽ നടന്ന യൂത്ത് ഒളിമ്പിക്സ് സമാപിച്ചു.
അമൃത് സറിലെ ജോടോ ഫാടകിൽ ദസറ ആഘോഷങ്ങളുടെ ഭാഗമായി രാവണ ദഹനം ചടങ്ങ് കണ്ടുകൊണ്ടിരിക്കുന്നവരിലേക്ക് തീവണ്ടി പാഞ്ഞു കയറി 61 പേർ  മരിച്ചു.
ഉത്തർപ്രദേശിലെ അലഹബാദ് നഗരത്തിന്റെ പേര് പ്രയാഗ് രാജ് എന്നാക്കി മാറ്റി.
വിരാട് കൊഹ്‌ലി ഏകദിന ക്രിക്കറ്റിൽ ഏറ്റവും കുറഞ്ഞ  ഇന്നിങ്‌സുകളിൽ 1000 റൺസ് എന്ന അതുല്യ നേട്ടം സ്വന്തമാക്കി സച്ചിൻ ടെണ്ടുക്കറുടെ റെക്കോർഡ് മറികടന്നു.
ലോകത്തിലെ ഏറ്റവും വലിയ പ്രതിമയായ ഏകതാ പ്രതിമ (ഇന്ത്യയുടെ പ്രഥമ ആഭ്യന്തര മന്ത്രി സർദാർ വല്ലഭായി പട്ടേലിന്റെ പ്രതിമ ) പ്രധാനമന്ത്രി നരേന്ദ്ര മോദി രാജ്യത്തിന് സമർപ്പിച്ചു.
പൂനെ ഫിലിം ഇൻസ്റ്റിട്യൂട്ട് അധ്യക്ഷ പദവിയിൽ നിന്ന് പ്രമുഖ നടൻ അനുപം ഖേർ രാജിവെച്ചു.
കേരളീയം -------------------- സംവിധായകൻ തമ്പി കണ്ണന്താനം അന്തരിച്ചു.
നക്സലൈറ്റ് നേതാവും സാമൂഹിക പ്രവർത്തകനുമായ ടി എൻ ജോയ് (നക്സൽ ബാബു ) അന്തരിച്ചു.
ബാലാമണിയമ്മ പുരസ്കാരം ശ്രീകുമാരൻ തമ്പിക്ക് .
ചെറുകഥാകൃത്ത് എൻ മോഹൻ പുരസ്കാരം പ്രഫ. എം എൻ കാരശ്ശേരിക്ക്.
കവി എം എൻ പാലൂർ അന്തരിച്ചു.
പ്രഫസർ അരവിന്ദാക്ഷൻ പുരസ്‌കാരത്തിന് ചരിത്രക്കാരി റോമീല ഥാപ്പർ അർഹയായി.
ബഹുഭാഷാ പണ്ഡിതൻ റഹ്‌മാൻ മൂന്നൂര്  അന്തരിച്ചു.
മഞ്ചേശ്വരം എം എൽ എ പി ബി അബ്ദുൽ റസാഖ് അന്തരിച്ചു.
ഫ്രാങ്കോ മുളക്കലിനെതിരേ മൊഴി നൽകിയ വൈദികൻ ഫാദർ കുരിയാക്കോസ് കാട്ടുതറയെ മരിച്ചനിലയിൽ കണ്ടെത്തി.
ബെന്യാമിന്റെ മുല്ലപ്പൂ നിറമുള്ള പകലുകൾ എന്ന നോവലിന്റെ ഇംഗ്ലീഷ് പരിഭാഷ ''ജാസ്മിൻ ഡെയ്‌സ് '' എന്ന കൃതിക്ക് സാഹിത്യത്തിനുള്ള ജെ സി ബി പുരസ്കാരം . 25 ലക്ഷം രൂപയും ശില്പവും അടങ്ങുന്നതാണ് പുരസ്കാരം.
ബാലസാഹിത്യകാരൻ ശൂരനാട് രവി അന്തരിച്ചു.
സംസ്ഥാന സ്‌കൂൾ കായിക മേളയിൽ എറണാകുളം ജില്ല  ചമ്പ്യാന്മാരായി.
നവംബർ ------------------
അന്താരാഷ്ട്രീയം -------------
യു എസ്  ഇടക്കാല തെരഞ്ഞെടുപ്പിൽ ഡോണാർഡ് ട്രമ്പിനു തിരിച്ചടി. പ്രതിനിധി സഭയിൽ ഡെമോക്രറ്റുകൾക്ക് മേൽകൈ.
ലോകത്തെ ആദ്യത്തെ കൃത്രിമ ബുദ്ധി വാർത്താ അവതാരകൻ വാർത്ത വായിച്ചു. ചൈനീസ് ന്യൂസ് ഏജൻസിയായ ഷിൻഹുവയാണ് രണ്ട് വെർച്വൽ ന്യൂസ് റീഡർമാരെ അവതരിപ്പിച്ചത്.
മിസ് ഏഷ്യ 2018 മത്സരത്തിൽ മംഗോളിയയുടെ അസായ സൗന്ദര്യ റാണിയായി.
അന്താരാഷ്ട്ര മനുഷ്യാവകാശ സംഘടനയായ ആംനസ്റ്റി ഇന്റർനാഷണൽ മ്യാന്മാർ ഭരണാധികാരി ഓങ് സാൻ  സൂചിക്ക് നൽകിയ അംബാസിഡർ ഓഫ് കൺസൈൻസ് പുരസ്കാരം തിരിച്ചെടുത്തു.
കോമിക് സാഹിത്യകാരൻ സ്റ്റാൻലി അന്തരിച്ചു. സ്‌പൈഡർമാൻ,അയൺമാൻ , ബ്ലാക്ക് പാന്തർ തുടങ്ങിയ കഥാപാത്രങ്ങൾക്ക് ആണ് സ്റ്റാൻലി ജൻമം നൽകിയത്.
സൗരയൂഥത്തിന് സമീപത്തെ നക്ഷത്രസമൂഹത്തിൽ ബഹിരാകാശ ശാത്രജ്ഞൻ ''സൂപ്പർഭൂമി''യെ കണ്ടെത്തി. ബർണാഡസ് സ്റ്റാർ എന്നു പേരിട്ട ഈ ഗ്രഹത്തെ സൗരയൂഥത്തിന് ഏറ്റവും അടുത്തുള്ള രണ്ടാമത്തെ നക്ഷത്ര സമൂഹത്തിലാണ് കണ്ടെത്തിയത്.
ഇബ്രാഹിം സ്വാലിഹ് മാലദ്വീപ് പ്രസിഡന്റ് ആയി സത്യപ്രതിജ്ഞ ചെയ്ത് അധികാരമേറ്റു.
കോമിക് കാർട്ടൂൺ കഥാപാത്രമായ മിക്കി മൗസിനു 90 വയസ്സ് തികഞ്ഞു.
രാജ്യാന്തര കുറ്റാന്യോഷണ പോലീസ് സംഘടനയായ ഇന്റർപോളിന്റെ മേധാവിയായി ദക്ഷിണ കൊറിയൻ സ്ഥാനാർഥി കിം ജോങ് യാങ് തെരഞ്ഞെടുക്കപ്പെട്ടു.
അന്തമാൻ ദ്വീപസമൂഹത്തിലെ ഭാഗമായ വടക്കൻ സെൻറിനലിൽ പ്രാകൃത ഗോത്ര വർഗക്കാരുടെ അമ്പേറ്റ് അമേരിക്കൻ പൗരനും മിഷനറി പ്രവർത്തകനുമായ ജോൺ അലൻ ചോ (27 )കൊല്ലപ്പെട്ടു.
ലോക പ്രശസ്ത ഇറ്റാലിയൻ സംവിധായകൻ ബെർണാഡോ ബെതലൂച്ചി അന്തരിച്ചു.(ഇദ്ദേഹത്തിന്റെ ദ ലാസ്റ്റ് എംപറർ ' ഒമ്പത് ഓസ്കാറുകൾ നേടിയിരുന്നു.)
ചരിത്രത്തിലാദ്യമായി ജീൻ എഡിറ്റിങ്ങിലൂടെ ജനിതക മാറ്റം വരുത്തിയ ഇരട്ട പെൺകുട്ടികൾ ജനിച്ചതായി ചൈനീസ് ഗവേഷകരുടെ അവകാശവാദം.
മഹാത്മാഗാന്ധിയുടെ ആത്മകഥയായ എന്റെ സത്യാന്യോഷണ പരീക്ഷണങ്ങൾ ഏറ്റവും കൂടുതൽ വിറ്റഴിക്കുന്നത് കേരളത്തിൽ (നവജീവൻ ട്രസ്റ് 1998 ൽ ആദ്യമായി ഇറക്കിയ മലയാള പരിഭാഷയുടെ 830000 പ്രതികളാണ് ഇതുവരെ വിറ്റഴിഞ്ഞത്.)
ചൊവ്വ ഗ്രഹത്തിന്റെ ഉള്ളറകളെക്കുറിച്ചക്കുള്ള പഠനത്തിനായി നാസ വിക്ഷേപിച്ച ഇൻസെറ്റ് പര്യവേക്ഷക പേടകം ചൊവ്വയിൽ ഇറങ്ങി ചിത്രങ്ങൾ അയച്ചുതുടങ്ങി.
യൂറോപ്യൻ യൂണിയനിൽ നിന്ന് പിന്മാറാനുള്ള ബ്രിട്ടന്റെ തീരുമാനം (ബ്രെക്സിറ്റ്‌ ) യൂറോപ്യൻ യൂണിയൻ അംഗീകരിച്ചു.
സലോമി സുരബിഷ്‌വിലി ജോർജിയയുടെ ആദ്യവനിതാ പ്രസിഡന്റായി.
ദേശീയം ---------------
ബിബി സി തയാറാക്കിയ വിദേശ ഭാഷകളിലെ എക്കാലത്തെയും മികച്ച 100 സിനിമകളിൽ '' പഥേർ പാഞ്ചാലി '' എന്ന ഇന്ത്യൻ സിനിമ 15 ആം സ്ഥാനത്തെത്തി.
ഇന്ത്യയുടെ ആദ്യത്തെ ആണവ ബാലിസ്റ്റിക് മിസൈൽ അന്തര്വാഹിനിയായ ഐ എൻ എസ്  നിരീക്ഷണ പ്രയാണം നടത്തി.
ഇന്ത്യയിൽ കസ്റ്റഡി മരണങ്ങൾ വർധിക്കുന്നതായി ക്വിൽ ഫൗണ്ടേഷൻ റിപ്പോർട്ട്.
കേന്ദ്ര പാർലമെന്ററികാര്യ, രാസവളം വകുപ്പ് മന്ത്രി എച്ച്എൻ അനന്ത് കുമാർ അന്തരിച്ചു.
ഐ എസ് ആർ ഓ യുടെ അത്യാധുനിക വാർത്ത വിനിമയ ഉപഗ്രഹമായ ജി സാറ്റ് - 29 ഭ്രമണ പാതത്തിലെത്തി.
ഇന്ത്യൻ പരസ്യ രംഗത്തെ കുലപതിയും നടനും പ്രമുഖ നാടക പ്രവർത്തകനുമായ അലിഖ് പദംസി നിര്യാതനായി.
ജമ്മു-കാശ്മീർ നിയമസഭാ പിരിച്ചു വിട്ടു.
ന്യൂഡൽഹിയിൽ നടന്ന ലോക ബോക്സിങ് ചാമ്പ്യാൻ ഷിപ്പിൽ ആറാമതും സ്വർണം നേടി ഇന്ത്യയുടെ മണിപ്പൂരുകാരി മേരികോം റെക്കോർഡ് ഇട്ടു.
സുനിൽ അറോറയെ ഇന്ത്യയുടെ പുതിയ മുഖ്യ തെരഞ്ഞെടുപ്പ് കമ്മീഷണറായി രാഷ്ട്രപതി നിയമിച്ചു.
കേരളീയം -------------  2018 ലെ എഴുത്തച്ഛൻ പുരസ്കാരം എം മുകുന്ദന്.
നെഹ്‌റു ട്രോഫി ജലോത്സവത്തിൽ പായിപ്പാടൻ ചുണ്ടൻ വിജയിച്ചു.
''ബുദ്ധ മയൂരി '' (പാപിലോ ബുദ്ധ ) സംസ്ഥാന ശലഭമായി അംഗീകരിച്ചു.
സിനിമ നാടക നടൻ കെ ടി സി അബ്ദുല്ല അന്തരിച്ചു.
ഈ വർഷം ബി ബി സി തയാറാക്കിയ ലോകത്തെ സ്വാധീനിക്കുകയും പ്രചോദിപ്പിക്കുകയും ചെയ്‌ത 100 വനിതകളുടെ പട്ടികയിൽ കോഴിക്കോട്ടെ പെൺകൂട്ട് സാരഥി പി. വിജി ഉൾപ്പെട്ടു.
മുതിർന്ന കോൺഗ്രസ്സ് നേതാവും എം പിയുമായ എം ഐ ഷാനവാസ് അന്തരിച്ചു. സ്‌കൂളിലെ ഉച്ചഭക്ഷണ പദ്ധതിയെ അവഹേളിക്കുന്ന തരത്തിലുള്ള പദപ്രയോഗകങ്ങൾ പൂർണമായും ഒഴിവാക്കാൻ പൊതു വിദ്യാഭ്യാസ വകുപ്പ് നിർദേശം നൽകി. (ഉച്ചക്കഞ്ഞി,കഞ്ഞിപ്പുര,കഞ്ഞിബുക്ക്, കഞ്ഞി സ്റ്റോർ തുടങ്ങിയ കഞ്ഞി പ്രയോഗങ്ങൾ ഇനി പാടില്ല.)
മാത്യു ടി തോമസ് പാർട്ടി തീരുമാന പ്രകാരം രാജിവെച്ചതിനെ തുടർന്ന് കെ കൃഷ്ണൻകുട്ടി കേരള ജലവിഭവ വകുപ്പ് മന്ത്രിയായി.
ഗോവയിൽ നടന്ന 49 മത് രാജ്യാന്തര ചലച്ചിത്ര മേളയിൽ മികച്ച നടനായി ചെമ്പൻ വിനോദും മികച്ച സംവിധായകനായി ലിജോ ജോസ് പല്ലിശ്ശേരിയും തെരഞ്ഞെടുക്കപ്പെട്ടു.

ഡിസംബർ ----------
അന്തർദേശീയം ----

• യു എസ് എ യുടെ 41 മത്തെ പ്രസിഡന്റും ലോക രാഷ്ട്രീയത്തിലെ ശ്രദ്ധേയ വ്യക്തിത്വവുമായ ജോർജ് എച്ച് ഡബ്ള്യു ബുഷ് (സീനിയർ ബുഷ് അന്തരിച്ചു.) 
• മെക്സിക്കൻ പ്രസിഡന്റായി ഇടതുപക്ഷക്കാരനായ ആൻഡ്രേ മാനുവൽ ലോപസ് ഒബ്രദോർ അധികാരമേറ്റു. 
• 2018 ലെ മികച്ച ഫുട്ബാൾ താരത്തിനുള്ള ബാലൻ ഡി ഓർ പുരസ്കാരം ക്രൊയേഷ്യയുടെ ലൂക്ക മോഡ്രിച്ച് കരസ്ഥമാക്കി. വനിതകളുടെ ആദ്യ ബാലൻ ഡി ഓർ അവാർഡിന് നോർവെയുടെ മുന്നേറ്റ താരം എഡ ഹെഗെർബെർഗ് അർഹയായി 
• പെട്രോളിയം കയറ്റുമതി രാജ്യങ്ങളുടെ അന്താരാഷ്‌ട്ര സംഘടനയായ ഒപെകിൽ (OPEC) നിന്ന് ജനുവരി മുതൽ പിന്മാറുന്നതായി ഖത്തർ പ്രഖ്യാപിച്ചു. 
• യൂട്യൂബിൽ നിന്ന് ഏറ്റവും കൂടുതൽ വരുമാനമുണ്ടാക്കുന്നയാളെന്ന റെക്കോർഡ് സ്വന്തമാക്കി യു എസിലെ റയാൻ എന്ന ഏഴു വയസ്സുകാരൻ 
• കോടിശ്വരന്മാരായ 100 ഇന്ത്യൻ താരങ്ങളുടെ ഫോബ്‌സ് പട്ടികയിൽ സൽമാൻ ഖാൻ വീണ്ടും ഒന്നാമതായി. 
• ചരിത്രത്തിലാദ്യമായി മരിച്ച സ്ത്രീയിൽ നിന്ന് സ്വീകരിച്ച ഗർഭപാത്രത്തിൽ കുഞ്ഞു ജനിച്ചു.( ബ്രസീലിലാണ് ഈ പരീക്ഷണ വിജയം )
• കൺട്രി ഫുഡ്‌സ് എന്ന യുട്യൂബ് ചാനലിലൂടെ പ്രശസ്തയായ പാചക മുത്തശ്ശി മസ്താനമ്മ അന്തരിച്ചു. 
• മെക്സിക്കോയുടെ വനേസ പോൺസ് ഡി ലിയോണിനെ ലോക സുന്ദരിയായി തെരഞ്ഞെടുത്തു. 
• ലോക ജനതയിൽ പകുതിയും ഇന്റർനെറ്റ് ഉപയോഗിക്കുന്ന വരായാതായി യു.എൻ.ഏജൻസിയുടെ വാർത്താവിനിമയ വകുപ്പിന്റെ കണക്ക്. 
• ബാങ്കോക്കിൽ നടക്കുന്ന മിസ് യൂണിവേഴ്‌സ് മത്സരത്തിൽ  ഗ്രാൻഡ്‌ഫിനാലെയിൽ പങ്കെടുക്കുന്ന ആദ്യ ട്രാൻസ് ജെൻഡർ മത്സരാർത്ഥിയായി സ്പെയിനിൽനിന്നുള്ള അൻജല പോൺസ്. 
• ബെന്നു എന്ന ഛിന്നഗ്രഹത്തിൽ ജലസാന്നിധ്യം കണ്ടെത്തി. ഛിന്നഗ്രഹത്തെക്കുറിച്ച് പഠിക്കാൻ നാസ അയച്ച ഒസിരിസ്‌ - റെക്‌സ് എന്ന പേടകം വഴിയാണ് ജലസാന്നിധ്യം തിരിച്ചറിഞ്ഞത്. 
• നാസയുടെ ഇൻസൈറ്റ് ലാൻഡൻ ചൊവ്വയിലെ കാറ്റിന്റെ ശബ്ദം പുറത്തുവിട്ടു. അന്യഗ്രഹ ശബ്ദം മനുഷ്യൻ കേൾക്കുന്നത് ആദ്യമായാണ്. 
• ഫിലിപ്പീൻസിന്റെ കാട്രിയോന എലിസ വിശ്വസുന്ദരിയായി തിരഞ്ഞെടുക്കപ്പെട്ടു. 
• ശ്രീലങ്കയിലെ രാഷ്ട്രീയ അനിശ്ചിതത്വത്തിന് അന്ത്യം കുറിച്ച് റെനിൽ വിക്രമസിംഗെ വീണ്ടും പ്രധാനമന്ത്രിയായി അധികാരമേറ്റു. വിക്രമസിംഗെയെ പ്രസിഡന്റ് മൈത്രിപാല സിരിസേന പുറത്താക്കിയതോടെയാണ് പ്രശ്നം ഉടലെടുത്തത്.
• ലോകകപ്പ് ഹോക്കി കിരീടം നെതർലാൻഡ്‌സിനെ തോൽപ്പിച്ച് ബെൽജിയം സ്വന്തമാക്കി.

ദേശീയം -------------

• ഇന്ത്യൻ ഷൂട്ടിങ് താരം അഭിനവ് ബിന്ദ്രക്ക് ഇന്റർനാഷണൽ ഷൂട്ടിംഗ് സ്പോർട്ട്സ് ഫെഡറേഷന്റെ ബ്ലൂക്കോസ് പുരസ്കാരം. 
• ലോക ചെസ് ചാംപ്യൻഷിപ് ലോക ഒന്നാം നമ്പർ താരം മാഗ്നസ് കാൾസന് .
• കേന്ദ്ര മാനവശേഷി സഹമന്ത്രി ഉപേന്ദ്ര കുശ്‌വാഹ രാജിവെച്ചു.
• റിസർവ് ബാങ്ക് ഗവർണർ ഉർജിത് പട്ടേൽ രാജിവെച്ചു. ശക്തികാന്ത ദാസ് പുതിയ ഗവർണറായി.
•  2019 ലെ പൊതുതെരഞ്ഞെടുപ്പിന് മുമ്പുള്ള സെമിഫൈനൽ എന്ന് വിശേഷിപ്പിക്കപ്പെട്ട അഞ്ചു സംസ്ഥാനങ്ങളിൽ ബിജെപിക്ക് പരാജയം. 
• ഇന്ത്യയുടെ '' ആങ്‌ഗ്രി ബേഡ് '' ഭ്രമണപഥത്തിൽ. സൈന്യത്തിന് സുശക്തമായ വാർത്താവിനിമയ ശൃംഖലയുണ്ടാക്കുകയാണ് ലക്ഷ്യം.
• അഞ്ചു സംസ്ഥാനങ്ങളിലെ മുഖ്യമന്ത്രിമാരുടെ കാര്യത്തിൽ തീരുമാനമായി 

1. മധ്യപ്രദേശ് - കമൽനാഥ് 
2. ഛത്തീസ്‌ഗഡ് - ഭൂപേഷ് ബഘേൽ 
3. രാജസ്ഥാൻ - അശോക് ഗെഹ്‌ലോട്ട് 
4. മിസോറാം - സൊരം തംഗ 
5. തെലുങ്കാന - കെ ചന്ദ്രശേഖർ റാവു. 

• ബാഡ്‌മിന്റൺ വേൾഡ് ടൂർ കിരീടം പിവി സിന്ധുവിന്. ഫൈനലിൽ ജപ്പാന്റെ നൊസോമി ഒകുഹാരയെ ആണ് തോൽപ്പിച്ചത്.
• ഇന്ത്യൻ ഇംഗ്ലീഷ് സാഹിത്യകാരൻ അമിതാവ് ഘോഷിന്റെ  54 മത്  ജ്ഞാനപീഠ പുരസ്കാരം.

കേരളീയം -----------------------

• വനം വകുപ്പിന്റെ നേതൃത്വത്തിൽ നടന്ന ഏകദിന നാട്ടാന സെൻസസ് പ്രകാരം സംസ്ഥാനത്ത് ആകെ 521 നാട്ടാനകളുള്ളതായി കണക്ക്.\
• ഈ വർഷത്തെ പത്മപ്രഭാ പുരസ്‌കാരത്തിന് കൽപറ്റ നാരായണൻ അർഹനായി. 
• കോഴിക്കോട് - കരിപ്പൂർ വിമാനത്താവളത്തിൽ നിന്ന് വീണ്ടും വലിയ വിമാനങ്ങളുടെ സർവീസ് ആരംഭിച്ചു.
• എസ്. രമേശൻ നായർക്കും അനീസ് സലീമിനും കേന്ദ്ര സാഹിത്യ അക്കാദമി അവാർഡ് ലഭിച്ചു.
• 2018 ലെ കേരള കടകളും വാണിജ്യ സ്ഥാപനങ്ങളും നിയമ ഭേദഗതി ബിൽ കേരള നിയമസഭ പാസാക്കി. (കടകളിലെയും വാണിജ്യ സ്ഥാപനങ്ങളിലെയും സ്ത്രീകൾ അടക്കമുള്ള ജീവനക്കാർക്ക് ജോലിക്കിടയിൽ ഇരിക്കാൻ അവകാശം നൽകുന്നതാണിത്. ) 
• 23 മത് കേരള രാജ്യാന്തര ചലച്ചിത്ര മേള തിരുവന്തപുരത്ത് നടന്നു. മികച്ച ചിത്രത്തിനുള്ള സുവർണ ചകോരം ഇറാനിയൻ സിനിമ '' ദ ഡാർക്ക് റൂമിന് '' മികച്ച സംവിധാനത്തിനുള്ള രജത ചകോരം ലിജോ ജോസ് പെല്ലിശ്ശേരിക്ക്. മികച്ച ഏഷ്യൻ ചിത്രത്തിനുള്ള  നാറ്റ്പാക് പുരസ്കാരവും ജനപ്രീയ ചിത്രത്തിനുള്ള രജത ചകോരവും '' ഇ.മ. യൗ  കരസ്ഥമാക്കി. മികച്ച മലയാള ചിത്രത്തിനുള്ള ഫിപ്രസി പുരസ്കാരം സക്കരിയ സംവിധാനം ചെയ്ത ''സുഡാനി ഫ്രേം നൈജീരിയ'' ക്കാണ്. 
• കണ്ണൂർ അന്താരാഷ്‌ട്ര വിമാനത്താവളം ഉത്‌ഘാടനം ചെയ്‌തു. 
• ആലപ്പുഴയിൽ നടന്ന 59 മത്  കേരള സ്‌കൂൾ കലോത്സവത്തിൽ 12 വർഷത്തിനുശേഷം പാലക്കാട് ജില്ല കിരീടം നേടി. അടുത്ത സ്കൂൾ കലോത്സവം കാസർഗോട്ട്  നടക്കും  
• കേരള മുൻമന്ത്രി സി എൻ ബാലകൃഷ്ണൻ അന്തരിച്ചു. 

കൂട്ടിയും കിഴിച്ചും നോക്കിയാൽ നിരവധി അടയാളങ്ങൾ 2018 ചരിത്രത്തിൽ ചേർത്തുവച്ചിരിക്കുന്നു. പോയവർഷങ്ങളിലെ പ്രധാന സംഭവങ്ങളിലേക്കുള്ള തിരിഞ്ഞു നോട്ടങ്ങളാണിവിടെ. ഇനി വരവേൽക്കാം പ്രതീക്ഷകളുടെ പുതുവർഷത്തെ...

                                                   

                     ശബരിമലയും സ്ത്രീപ്രവേശനവും  

                                                 ശബരിമലയിൽ യുവതികൾക്ക് പ്രവേശിക്കാം എന്ന  സുപ്രിം കോടതി വിധി ലോകത്തിന്റെ പലഭാഗത്തും ഒരേ സ്വരത്തിൽ ആളിക്കത്തുകയും സാമൂഹ്യ മാധ്യമങ്ങളിൽ നിറഞ്ഞു നിൽക്കുന്ന ഒരു ചർച്ച വിഷയമായി മാറി കഴിയുകയും ചെയ്തു. ജാതി മത ഭേദമന്യേ എല്ലാവരും ദർശനം നടത്തുന്നു എന്നത് മറ്റു ക്ഷേത്രങ്ങളിൽ നിന്ന് ശബരിമലയെ മാറ്റിനിർത്തുന്നത്. എല്ലാമതത്തിനും അതിന്റേതായ പവിത്രത ഉണ്ട്. അതിനാൽ അവ ആചാര അനുഷ്ടാനങ്ങൾക്ക്  വലിയ പ്രാധാന്യവും നൽകുന്നു. അതുകൊണ്ട് തന്നെ യുവതി പ്രവേശനം ഒരു ചെറിയ പ്രശ്‌നമായി നമുക്ക് കാണാൻ സാധിക്കില്ല. 
                                    ശബരിമലയിൽ ആർത്തവ പ്രായമുള്ള സ്ത്രീകൾ കയറാൻ പാടില്ല എന്നത് ആചാരത്തിന്റെ ഭാഗമാണ് .ആർത്തവം പ്രകൃതി നിയമമാണ്. അത് നടക്കുന്നത് കൊണ്ടാണ് പ്രകൃതിയിൽ മാനവ ജാതി നിലനിൽക്കുന്നതും. എന്നാൽ ശബരിമലയിലെ സ്ത്രീ പ്രവേശനം ഭക്തരുടെ വിശ്വാസ പ്രശ്‌നമാണ്. അയ്യപ്പൻ നൈഷ്ഠിക ബ്രഹ്മചാരിആയതിനാൽ  10 വയസിനു താഴെയും 50 വയസ്സിനു മുകളിലും പ്രായമുള്ളവർക്ക് മാത്രമേ ശബരിമലയിൽ പ്രവേശനമുള്ളൂ. നാൽപത്തിയൊന്ന് ദിവസത്തെ വ്രതം എടുത്തുവേണം ശബരിമലയിൽ ദർശനം നടത്താൻ . ഇത്രയും ദിവസത്തെ വ്രതം എടുക്കാൻ കഴിയാത്തവണ്ണം ശബരിമല ദർശനം അസാധ്യമാണ്. 41 ദിവസം വരെ ആർത്തവം വരാതെ ഇരിക്കാനുള്ള പല ഉപാധികളും ഇന്നുണ്ട് .എന്നുകരുതി മലചവിട്ടാൻ സാധിക്കില്ല. ഇത് കാലാകാലങ്ങളായി അനുഷ്ടിച്ചു വരുന്ന രീതിയാണ് . എന്നാൽ ''എല്ലാ  പുരുഷന്മാരും 41 ദിവസത്തെ വ്രതമെടുത്തണോ മല ചവിട്ടുന്നത് ? വ്രതമെടുക്കാത്ത പുരുഷന്മാർക്ക്  പതിനെട്ടാം പടി ചവിട്ടാതെ ക്ഷേത്ര ദർശനം നടത്താമെങ്കിൽ അതെ നിയമങ്ങൾ സ്ത്രീകൾക്കും ബാധകമല്ലേ ?" എന്ന സുപ്രിം കോടതിയുടെ ചോദ്യം ശരി തന്നെ. എന്നാൽ നൂറിൽ 10 %പേർ  പൂർണമായും വ്രതം എടുക്കുന്നില്ലെന്നു കരുതി ബാക്കിയുള്ള ഭക്തർ അങ്ങനെയാകണമെന്നില്ല. അതിനാൽ  ഇവിടെ ഈ ചോദ്യത്തിന് ഒരു പ്രസക്തിയുമില്ല.
                   കേരളത്തിലെ മറ്റുചില ക്ഷേത്രങ്ങൾക്ക് ശബരിമലയിലേത് പോലുള്ള ചില ആചാരങ്ങൾ കാണാൻ സാധിക്കും. കണ്ണൂരിൽ സ്ഥിതിചെയ്യുന്ന രാജരാജേശ്വരി ക്ഷേത്രത്തിൽ പുരുഷന്മാർക്ക്  എപ്പോഴും  പ്രവേശനമുണ്ടെങ്കിലും സ്ത്രീകൾക്ക് എല്ലാ സമയത്തും ക്ഷേത്ത്രത്തിനുള്ളിൽ പ്രവേശനമില്ല. അതിനു പ്രത്യേക സമയം നിശ്ചയിച്ചിട്ടുണ്ട് . സ്ത്രീകളുടെ ശബരിമല എന്നറിയപ്പെടുന്ന ആറ്റുകാൽ ക്ഷേത്രത്തിൽ എല്ലാ വർഷവും സ്ത്രീകൾക്ക്  മാത്രം പൊങ്കാലയിടാൻ  സൗകര്യം ഒരുക്കുന്നു. അതുപോലെ തന്നെ എടുത്തുപറയേണ്ട മറ്റൊരു ക്ഷേത്രമാണ് ചെങ്ങന്നൂർ മഹാദേവ ക്ഷേത്രം. ഈ ക്ഷേത്രത്തിലെ  തൃപ്പൂത്താറാട്ട് മറ്റൊരു ക്ഷേത്രത്തിലും കാണാത്ത അപൂർവ ചടങ്ങാണ്. ചെങ്ങന്നൂർ ദേവിയുടെ പ്രതിഷ്ഠ രജസ്വലയാകുന്നു എന്നതാണ് ഇതിലെ പ്രത്യേകത. വർഷത്തിൽ പലതവണ ഭഗവതി രജസ്വലയാകുന്നു. രജസ്വലയായതിന്റെ പാടുകണ്ടാൽ  3 ദിവസത്തേക്ക്  പടിഞ്ഞാറേ നടയടക്കുകയും തുടർന്ന് നാലാം നാൾ  പമ്പാനദിയിലെ  ആറാട്ടിന് ശേഷം പ്രതിഷ്ഠ വീണ്ടും ശ്രീകോവിലിൽ  എത്തിക്കുന്നു. ആർത്തവം വന്നു  4 ദിവസം ദേവിയെ ശ്രീകോവിലിൽ നിന്ന് മാറ്റിയിരുത്തുന്നു ഇങ്ങനെയുള്ള ആചാരങ്ങൾ കോർത്തിണക്കിയസംസകരമാണ് നമുക്കുള്ളതെന്ന് ഈ ചടങ്ങുകൾ ചൂണ്ടികാണിക്കുകയാണ്.
                                                    സുപ്രിം കോടതി വിധികൾ  ഒന്നിന് പുറകെ ഒന്നായി നിരവധി കാര്യങ്ങൾക്ക് വന്നിട്ടുണ്ട് . ശബരിമല ക്ഷേത്രത്തിനു മുൻപേ വിധി പറഞ്ഞ മറ്റൊരു ക്ഷേത്രവും കേരളത്തിൽ സ്ഥിതിചെയ്യുന്നു. അനന്തപുരിയിലെ പദ്മനാഭ സ്വാമി ക്ഷേത്രം. പദ്മനാഭ സ്വാമി ക്ഷേത്രത്തിൽ സ്ത്രീകൾ സാരിയുടുത്തോ അല്ലങ്കിൽ   ഒഴികെയുള്ള മറ്റ് വസ്ത്രത്തിനു മുകളിൽ മുണ്ട് ഉടുത്തോ ക്ഷേത്രത്തിൽ ദർശനം നടത്തുക എന്നതാണ് ആചാരം. കുറച്ച് നാളുകൾക്ക് മുൻപ് പദ്മനാഭ സ്വാമി ക്ഷേത്രത്തിലെ ആചാരങ്ങൾക്കും വിശ്വാസങ്ങൾക്കും മേൽ സുപ്രിം കോടതി വിധി  കൊണ്ടുവന്നു. സാരിക്ക് പുറമെ ചുരിദാർ മുതലായ ഏതു വാസ്തവും ധരിക്കാമെന്നായിരുന്നു വിധി. എന്നാൽ  ആ വിധിയെ മറികടന്നുകൊണ്ട് ഭക്തർ ഇന്നും  ക്ഷേത്ര ദർശനം നടത്തുന്നത്. അതിനർത്ഥം വിധിയേക്കാളും പ്രാധാന്യം ഭക്തരുടെ വിശ്വാസങ്ങൾക്കും ആചാരാനുഷ്ടാ നങ്ങൾക്കും ഉണ്ടെന്നാണ്. ഇത്തരത്തിലുള്ള  നിയന്ത്രണങ്ങള്‍ ഹിന്ദുമതത്തില്‍ മാത്രമല്ല എല്ലാ മതങ്ങളിലുമുണ്ട്. അത് ഉയര്‍ത്തിപ്പിടിയ്ക്കാനുള്ള സ്വാതന്ത്ര്യം ഭരണഘടന ഉറപ്പു നല്‍കുന്നുമുണ്ട്. 

                               അതിനാൽ ഒരു സ്ത്രീയെന്നനിലക്ക് എനിക്ക് ഒന്നുമാത്രമേ പറയാനുള്ളു.അമ്മയുടെ വയറ്റിൽ ജനിക്കുന്ന ആൺകുഞ്ഞും പെൺകുഞ്ഞും അച്ഛനും അമ്മയ്ക്കും തുല്യരാണ്. എന്നാൽ മക്കളുടെ വളർച്ച അവർക്കിടയിൽ പല രീതിയിലുള്ള അകലം പാലിക്കപെടുന്നു.അത് സ്നേഹക്കുറവുകൊണ്ടല്ല മറിച്ച് നമ്മുടെ സംസ്കാരമാണ്. പ്രായം പലതിനും തടസമാകും അത് അസ്വതന്ത്ര്യത്തിന്റെയോ അസമത്വത്തിന്റെയോ പ്രശ്നമല്ല. അതുകൊണ്ട് തന്നെ മുൻകാലങ്ങളിൽ പിന്തുടർന്നു വരുന്ന ആചാരങ്ങൾ നമുക്ക് പെട്ടന്ന് തേച്ചുമായിച്ചു കളയാൻ സാധിക്കില്ല.
ഓരോ പ്രായത്തിനും അതിന്റേതായ സാംസ്കാരിക പശ്ചാത്തലമുണ്ട്. അത് പുരോഗമനത്തിന്റെ പേരിൽ ചവിട്ടി മെതിക്കാനുള്ളതല്ല. ശബരിമലയിൽ സ്ത്രീകൾ കയറരുതെന്നു ആരും പറയുന്നില്ല. മറിച്ച് കയറുന്നതിൽ പ്രായപരിമിതികൾ ഉണ്ടെന്നാതാണ് യാതാർഥ്യം. 

കേരളത്തിന് തനതായ ഒരു സംസ്കാരമുണ്ട് . അതിൽ  വിശ്വാസങ്ങളെയോ ആചാരാനുഷ്‌ഠനങ്ങളെയോ മാറ്റാൻ സാധിക്കില്ല. നീതിന്യായ വ്യവസ്ഥ മാറ്റങ്ങൾ കൊണ്ടുവന്നാലും വിശ്വാസികൾ  തങ്ങളുടെ നിലപാടിൽ ഉറച്ചു തന്നെ നിൽക്കും...ഇത്  കാലാകാലങ്ങളായി അനുഷ്ടിച്ചു വരുന്ന രീതിയാണ്. ഇതിൽ പെട്ടന്നൊരു മാറ്റം കൊണ്ടുവരാൻ സാധ്യമല്ല.

ഇന്ന്  ബ്ലോഗിൽ ഞാൻ തൂലിക ചലിപ്പിക്കുന്നത് എന്റെ സ്വന്തം അനുഭവത്തിലൂടെയാണ്. ബന്ധങ്ങൾക്ക് ഒരുപാട് വിലകല്പിക്കുന്ന എനിക്ക് ഇന്ന്  എന്റെ ഏറ്റവും അടുത്ത സുഹൃത്തുക്കളുമായി പിണങ്ങി നിൽക്കേണ്ടി വരുന്നു. ഇത്രയും കാലം എന്നെ അവർ മനസിലാക്കിയത് ഇങ്ങനെയാണോ എന്ന് ഒരു നിമിഷം തോന്നിപോയി. എന്റെ ഡ്യൂട്ടി ഞാൻ കൃത്യമായി ചെയ്തു എന്നതാണ് എന്റെ ഉറ്റ സുഹൃത്തുക്കൾ എന്നിൽ കണ്ട വലിയ തെറ്റ്. അവർ എന്നെ മനസിലാക്കിയത് അങ്ങനെ ആയത് കൊണ്ട് ഞാൻ മാറ്റാനും പോയില്ല. എന്നാൽ ജീവിതത്തിൽ ഏറ്റവും വേണ്ടത് വിശ്വാസവും ആത്മാർത്ഥതയും ആണെന്നുള്ളത് മനസിലാക്കാതെ മനുഷ്യർ പല വഴികളിലൂടെ സഞ്ചരിക്കുന്നു.   സ്നേഹം എന്നത് ആർക്കും പകരത്തിനു പകരമോ പണം കൊടുത്ത് വാങ്ങാനോ കഴിയുന്ന ഒന്നല്ല. അത് ഓരാളുടെ പെരുമാറ്റത്തിൽ നിന്ന് തോന്നണ്ടതാണ്. എന്നാൽ ഇന്ന് പലരുടെയും സ്നേഹം പുറം മൂടിയാണ്. അവരുടെ യഥാർത്ഥ മുഖം എന്താണെന്നു ആർക്കും മലാസിലാക്കാൻ കഴിയുന്നില്ല. സ്വയം മനസിലാക്കാൻ കൂടി കഴിയുന്നില്ല എന്നതാണ് മറ്റൊരു യാഥാർഥ്യം.......................................

                       കലിയടങ്ങാതെ കേരളം   
  


ഇന്ന്  ലോകം ഒന്നടങ്കം കേരളത്തിനു വേണ്ടി പ്രാർത്ഥിക്കുന്നു. 

''മനുഷ്യ രാശി എന്തിന് നീ  പ്രകൃതിയെ ചൂഷണം ചെയ്യുന്നു'' ഇത് കഥളിലോ കവിതകളിലോ അല്ലെങ്കിൽ പല വ്യക്തികളും പറഞ്ഞിട്ടുണ്ടാകും. എന്നാൽ ഇതൊന്നും നമ്മൾ കണക്കിലെടുക്കാതെ പോയി. അതിന്റെ ഫലമെന്ന് പറയട്ടെ ഇന്ന് കേരളം പ്രളയക്കെടുതിയിൽ അകപെട്ടുകെടുക്കുന്നു.  
തിരുവന്തപുരം മുതൽ കാസർഗോഡ് വരെ ഒരേ പോലെ ദുരിതം വിതച്ച് മഴ ആർത്തു പെയ്യുകയാണ്.  പല സ്ഥലത്തും ആളുകൾ ഒറ്റപ്പെട്ട നിലയിൽ കഴിയുന്നു. വെള്ളപ്പൊക്കവും മണ്ണിടിച്ചിലും ഉരുൾപൊട്ടലും ജനജീവിതത്തെ ദുസ്സഹമായി ബാധിച്ചു. വൈദ്യുതിയും ഭക്ഷണവും കുടിവെള്ളവും കിട്ടാതെ നിരവധി ആളുകൾ പ്രളയ പ്രദേശങ്ങളിൽ കുടിങ്ങി കിടക്കുന്നു. കേരള സർക്കാരും കേന്ദ്ര സർക്കാരും സേനയെ വിന്യസിച്ചെങ്കിലും ഇപ്പോളും വിവിധ സ്ഥലങ്ങളിൽ ആളുകൾ കുടുങ്ങി കിടക്കുകയാണ്.

                                 കേരളത്തിൽ 14 ജില്ലകളിലും നിരവധി അതീവ ജാഗ്രത നിർദേശവും ഒട്ടനവധി ക്യാമ്പുകളും തുറന്നു. ബസ്,റെയിൽ ഗതാഗതം തുടങ്ങിയവ നിർത്തലാക്കിയതിലൂടെ ജനങ്ങൾ വളരെ വലിയ ദുരിതത്തിൽ അകപ്പെട്ടിരിക്കുകയാണ്.  44 നദികളും കരകവിഞ്ഞൊഴുകി. 
മുല്ലപെരിയാർ,ഇടുക്കി, മലമ്പുഴ തുടങ്ങി എല്ലാടമുകളും തുറന്നു വിട്ടു. ജലനിരപ്പ് കൂടുന്നത് അനുസരിച്ച് എല്ലാ ജീവജാലങ്ങളുടെയും ജീവൻ എടുക്കുകയാണ്.  മഴയെ തുടർന്നു നീരൊഴുക്ക് കൂടുന്നത് കൊണ്ട് ഡാമുകളിലെ ജലനിരപ്പ് കൂടിവരുകയാണ്. 2 ദിവസം കൊണ്ട് ഏകദേശം 55 മുകളിൽ ആളുകൾ മരണപെട്ടു. 

                           പുഴ കയ്യേറി നമ്മുടെ സ്വാർത്ഥ താല്പര്യങ്ങൾ നടത്തിയപ്പോൾ ഓർത്തില്ല എന്ന് ഈ ഗതി ഉണ്ടാകുമെന്നു. ഒരുതരത്തിൽ പറഞ്ഞാൽ 44 നദികളും അതിന്റെ ശരിയായ വഴിയിലൂടെ ഒഴുകുന്നു. ആദ്യകാലങ്ങളിൽ എങ്ങനെ ഒഴുകിയോ അതുപോലെ തന്നെ. എന്നാൽ ഒരു കൂട്ടം ആളുകൾ പറയുന്നു പുഴ വഴി മാറി ഒഴുകുന്നു എന്ന്, എന്നാൽ പുഴ അതിന്റെ യാഥാർത്ഥവഴി കളിലൂടെയാണ് ഒഴുകുന്നത് എന്ന് നാം ഇനിയെകിലും മനസിലാക്കണം. പ്രകൃതി ആവശ്യത്തിലധികം അവസരങ്ങൾ തന്നു. എന്നാൽ അതൊന്നും നമ്മുക്ക് തൃപ്തിവരാത്തതിന്റെ ഫലമാണ് നാം ഈ അനുഭവിക്കുന്നത്. ഒരു പ്രളയത്തിലൂടെ ജങ്ങൾക്ക് ജാതിയോ മതമോ സമ്പത്തോ ഒന്നും കൂട്ടാക്കാതെ എല്ലാവരും ഒരു കുടക്കീഴിൽ കഴിയുന്നു. പാവപെട്ടവനെന്നോ സമ്പന്നനെന്നോ ഇല്ലാതെ പ്രകൃതിക്ക് മുന്നിൽ എല്ലാവരും ഒന്നായി. നാം ഇനിയും മനസിലാക്കുക പ്രകൃതിയെ നമ്മൾ എത്രത്തോളം കയ്യേറുന്നോ അതിന്റെ പത്തിരട്ടികൊണ്ടേ അതുതിരിച്ചു പോകു എന്ന് കാലം ഈ വൻ ദുരന്തത്തിലൂടെ തെളിയിച്ചു തന്നു.
                                                            

                       അനാഥത്വമോ കൈതാങ്ങോ  
 
                                    അരുൺ ക്രിസ്റ്റോ എന്ന 6 വയസ്സുകാരന്റെ  കലാപരമായ കഴിവും ജീവിതവും ഉൾക്കൊള്ളിച്ച  ഒരു വീഡിയോ കഴിഞ്ഞ ദിവസം കാണാനിടയായി. എന്നെപോലെ തന്നെ ഒരുപാട് പേരെ ആഴത്തിൽ സ്പർശിച്ച ഒരു വീഡിയോ ആകാം അത്. വൈകല്യങ്ങളുടെ പേരിൽ ജനിച്ച അന്ന് തന്നെ മാതാപിതാക്കൾ അവനെ ഉപേക്ഷിച്ചു.  എന്നാൽ ഇന്നവൻ കഴിവിന്റെ നെറുകയിലാണ്‌. അച്ഛനമ്മമാർ അവനെ ഹോസ്പിറ്റലിൽ ഉപേക്ഷിച്ചപ്പോൾ ശാലോം സദനം അവനെ ഇരുകൈയ്കളും നീട്ടി സ്വീകരിച്ചു. അവിടെ അവനു നിരവധി കൂട്ടുകാരെ കിട്ടി,  ആകൂട്ടത്തിലെ ഏറ്റവും ചെറിയ കുഞ്ഞാണ് നമ്മുടെ അരുൺ.  അവന്റെ പാട്ടും മിമിക്രിയുമൊക്കെ  ആ വീഡിയോയിൽ നിറഞ്ഞു നിന്നു. അവന്റെ മധുരമേറിയ സംസാരം ആരെയും ആകർഷിക്കും വിധത്തിലായിരുന്നു. അച്ഛനും അമ്മയും അരികിലുണ്ടായിട്ടും അവനു അവരുടെ സ്നേഹം കിട്ടാതെ പോകുമ്പോൾ ഉണ്ടാകുന്ന വേദന മറ്റൊരു ദുഃഖത്തോടും ഉപമിക്കാൻ കഴിയില്ല. എന്നാൽ ശാലോം സദനത്തിൽ അവനെ സ്നേഹിക്കാൻ അച്ഛനും അമ്മയും അടങ്ങുന്ന ഇമ്മിണി വല്യ ഒരു കുടുംബം ഉണ്ട്. ഒരുപക്ഷെ അവരുടെ തണൽ ഉള്ളതിനാലാകാം ആ കുഞ്ഞു മുഖത്ത്  ഇത്രയതികം സന്തോഷം. 

                               ഇന്ന്  അരുണിനെ ഞാൻപരിചയപ്പെടുത്തനുള്ള  കാരണം നിരവധിയാണ്. ഈ ലോകത്ത് അനാധാലയങ്ങൾ കൂടിവരുന്നത് ഞാൻ എടുത്ത് പറയണ്ട കാര്യമില്ലല്ലോ. ഓരോ കുഞ്ഞും ജനിക്കുന്നത് അമ്മയുടെ ഉദരത്തിൽ നിന്നാണ്. ഒരാളും ആകാശത്തിൽ നിന്ന് പൊട്ടിവീഴുന്നില്ല. അതായത് ഏതൊരു ജീവജാലവും ജനിക്കുന്നത് അനാഥരായിട്ടല്ല. എന്നാൽ അറിഞ്ഞോ അറിയാതയോ അവർ അനാഥർ അല്ലെങ്കിൽ ആരുമില്ലാത്തവർ എന്ന്‌ മുദ്രകുത്തപ്പെടുന്നു. ഒരു കുഞ്ഞിന്റെ ജനനത്തോടെ അമ്മ മരിക്കുമ്പോൾ അവിടെ ഒരു അനാഥൻ ഉണ്ടാകുന്നു. എന്നാൽ ജനിച്ചത് പെണ്കുട്ടിയാണ്, വൈകല്യങ്ങൾ ഉണ്ട്  എന്നൊക്കെ പറഞ്ഞും  ഉപേക്ഷിക്കുന്ന ഒരു വിഭാഗം ഇന്നും  നമ്മുടെ ലോകത്ത് ജീവിക്കുന്നു. അച്ഛനമ്മമാരുടെ ജോലി തിരക്കുകാരണം ബാല്യം ആയമാരുടെ കൈകളിൽ ഒതുങ്ങി കൂടുന്നവരും മറ്റൊരു രീതിയിൽ അനാഥത്വം അനുഭവിക്കുന്നു. 10 മാസം നൊന്ത് പ്രസവിച്ചകുഞ്ഞിനെ വാർധക്യത്തിൽ കുഞ്ഞുജനിച്ചു എന്നുപറഞ്ഞു മാതാപിതാക്കൾ കഴുത്തറുത്ത് കൊന്നിട്ട് ഒരാഴ്ച പോലും ആകുന്നില്ല. ആ സമൂഹത്തിലാണ് നാം ജീവിക്കുന്നത് എന്ന് ഓർക്കുക. 


                                 ജനിച്ചു വീഴുന്ന ഓരോ കുഞ്ഞിനും വേണ്ടത് സ്വന്തം മാതാപിതാക്കളുടെ സ്നേഹവും വാത്സല്യവും കരുതലാണ്. ഇത് മാറ്റാരിൽ നിന്ന് കിട്ടിയാലും  അച്ഛനമ്മമാരിൽ നിന്നു കിട്ടുന്നതിന്റെ 1 % പോലും ആകില്ല.  ''ജന്മം തന്നു എന്ന് കരുതി അച്ഛനമ്മമാർ ആകണമെന്നില്ല വളർത്തുന്നവരാണ് അച്ഛനമ്മമാർ'' എന്നൊക്കെ പലരും പറയും. 100 -ൽ  ഒരു 10 % ആളുകളുടെ കാര്യത്തിൽ അത് ശരിയാണ്. ബാക്കി 90 % പേരുടെ കാര്യത്തിൽ പ്രഹസനം മാത്രമാണ്. ബാല്യത്തിൽ കിട്ടണ്ടേ മാതാപിതാക്കളുടെ സ്നേഹം ആ സമയത്ത് കിട്ടിയില്ലെകിൽ അവർ ജീവിതത്തിൽ എപ്പോളും ഒറ്റപ്പെടൽ അനുഭവിക്കും. ഒരു സമയം കഴിഞ്ഞാൽ പിന്നീട് അവരെ തിരിച്ചുകൊണ്ടുവരാൻ കഴിയാതെ വരും. എല്ലാ കുട്ടികളുടെയും കാര്യത്തിൽ ഇങ്ങനെ  സംഭവിക്കുന്നില്ലെങ്കിലും ഭൂരിപക്ഷം നോക്കുമ്പോൾ ഞാൻ പറഞ്ഞത് ശരിയാകുന്നു. ചില ശരികളങ്ങനെയാണ് ആർക്കും പിടിതരാറില്ല...

                              കേരളം കിരാതഭൂമിയോ ?

കഴിഞ്ഞ ദിവസം സാമൂഹ്യ മാധ്യമങ്ങളിൽ നിറഞ്ഞുനിന്ന ഒരു വാർത്തയുടെ ബാക്കിപത്രം കുറച്ചുമുന്നേ അതെ മാധ്യമങ്ങളിൽ കാണാൻ കഴിഞ്ഞു. ഒരു കുടുംബത്തിന്റെ പ്രതീക്ഷയായും ഒരു പെൺകുട്ടിയുടെ സ്വപ്നവും തകർത്ത ആ കാഴ്ച്ച ഒരു പക്ഷെ എല്ലാവരുടെയും കണ്ണ് നനയിച്ചിരിക്കാം. പ്രണയത്തിന്റെ പേരിൽ കെവിൻ പി ജോസഫ് എന്ന 23 കാരന്റെ  അരുംകൊല നടന്നിട്ട്  മണിക്കൂറുകൾ മാത്രം. ചേതനയറ്റ ശരീരത്തിൽ കെട്ടിപിടിച്ചു കരയുന്ന മാതാപിതാക്കളും നവവധുവിനെയുനെയും ആശ്വസിപ്പിക്കാൻ വാക്കുകളില്ല.
                            പരിഷ്‌കൃതവും സാക്ഷരതയും വാനോളം ഉയർത്തുമ്പോഴും ജാതിയുടെ പേരിൽ നടക്കുന്ന അക്രമങ്ങളെ തടയിടാൻ ഒരു ഭരണകൂടത്തിനും കഴിയുന്നില്ല. അതിന്റെ ഉത്തമോദാഹരണമായി കെവിൻ മാറി കഴിഞ്ഞു. ജാത്യാഭിമാനത്തിന്റെ പേരിലുള്ള കൊലപാതകങ്ങൾ കേരളത്തിൽ വിരളമാണ്. മലപ്പുറത്തെ അരീക്കോടിൽ ആതിര എന്ന പെൺകുട്ടി ഇതരജാതിയിൽപെട്ട വിവാഹം കഴിക്കുന്നതിന്റെ പേരിൽ വിവാഹത്തലേന്ന് അച്ഛൻ കൊലപ്പെടുത്തിയ സംഭവം നടന്നിട്ട് വളരെ കാലമൊന്നുമായില്ലന്നോർക്കുക. അതിനു സമാനമായ മറ്റൊരു കൊല കേരളത്തെ അക്ഷരാർത്ഥത്തിൽ നടുക്കിയിരിക്കുന്നു.
സ്നേഹിച്ച്  വിവാഹം കഴിച്ചു എന്നതിന്റെ സ്വന്തം പിതാവും സഹോദരനും തന്റെ ഭർത്താവിനെ അറിഞ്ഞോ അറിയാതയോ ഇല്ലാതാക്കി. ഒരു മകൾക്ക് അച്ഛനെന്നനിലയിലും ഒരു സഹോദരിക്ക് സഹോദരൻ നിലയിലും മാതൃകയാകേണ്ടവർ  ഇവിടെ കുറ്റരോപിതർ ആയിരിക്കുന്നു. പെൺകുട്ടികൾക്കെതിരെയുള്ള ലൈംഗിക അതിക്രമങ്ങൾക്കെതിരെ മാതാപിതാക്കൾ ഇങ്ങനെ ഒരു ചെയ്തി നടത്തിയാൽ  സമൂഹം അവരെ അഭിനന്ദിക്കും എന്നാൽ കെവിന്റെ മരണത്തോടെ മൂക്കത്ത് വിരൽവെക്കേണ്ട അവസ്ഥയായി. 
ഒരുപാട് സ്വപ്നങ്ങളുടെ കാത്തിരിപ്പിനൊടുവിൽ 24 തീയതി വീട്ടുകാരുടെ എതിർപ്പിന് മറികടന്നു കെവിനും നീനുവും വിവാഹിതരായി . തൊട്ടടുത്തദിവസങ്ങളിൽ വീട്ടുകാർക്കിടയിൽ നടന്ന പ്രശനങ്ങൾ ഒന്നും തന്നെ അവരെ തളർത്തിയില്ല. എന്നാൽ കെവിന്റെ മരണവാർത്തയോടെ അവളുടെ പ്രതികഷകൾ എല്ലാം തന്നെ ഇല്ലാതായി,സ്വപ്നങ്ങളിൽ ഇരുട്ടുവീണു, ഒരു നിമിഷം കൊണ്ട് ജീവിതത്തിന്റെ എല്ലാ മോഹങ്ങളും അസ്തമിച്ചു...
                                ഞാറാഴ്ച്ച കെവിനെ തട്ടിക്കൊണ്ടു പോയതിനെ തുടർന്ന് നീനുവും കെവിന്റെ പിതാവ് ജോസെഫും പോലീസിൽ പരാതിപ്പെട്ടപ്പോൾ 
പോലീസിന്റെ മറുപടി ഇങ്ങനെയായിരുന്നു. '' ജില്ലയിൽ മുഖ്യമന്ത്രിയുടെ പരിപാടികളുണ്ട് അതിന്റെ തിരക്കിലാണ്. അതുകഴിഞ്ഞു നോക്കാം ''
നമ്മുടെ ജീവനും സ്വത്തിനും സംരക്ഷണം നൽകേണ്ട പോലീസ് സേനയ്ക്ക് എന്ത് സാമൂഹിക പ്രതിബദ്ധതയാണ് ഉള്ളത് ?. മുഖ്യമന്ത്രിയുടെ പരുപാടിനടക്കുന്ന സ്ഥലത്ത് ക്രമസമാധാനം ഉറപ്പുവരുത്തിയില്ലെകിൽ മുഖ്യമന്ത്രി കയ്യാളുന്ന ആഭ്യന്തരവകുപ്പിന് എന്ത് വിലതയാണുള്ളത്? തുടങ്ങിയ ചോദ്യങ്ങൾ ഓരോരുത്തരുടെയും മനസ്സിൽ ഉയരുന്നതാണ്. ദുരഭിമാനക്കൊലയിൽ പോലീസിന്റെ നിഷ്‌ക്രിയത്വം ആണ് നാം കണ്ടത്. അതുകൊണ്ട് തന്നെ കേരളം ഒരു കിരാതഭൂമിയായി മാറുകയാണോ എന്ന് സംശയിക്കേണ്ടിയിരിക്കുന്നു.
                                      പ്രബുദ്ധ കേരളത്തിൽ അനുദിനം ഉണ്ടാകുന്ന അക്രമങ്ങളും കൊലകളും തടയാനോ നിയന്ത്രിക്കാനോ സർക്കാർ നിലപാടുകൾ കൈകൊള്ളും എന്ന് വാക്കാൽ പറയുന്നതല്ലാതെ ഒന്നും സംഭവിക്കുന്നില്ല എന്നതാണ് വാസ്തവം. പ്രായപൂർത്തിയായ പെൺകുട്ടിക്കും ആൺകുട്ടിക്കും വിവാഹ ബന്ധത്തിൽ ഏർപ്പെടാം എന്നത് നിയമം അനുവർത്തിക്കുന്നു. അവിടെ മതമോ ജാതിയോ ബാധകമാകുന്നില്ല. അതിനാൽ ഇനിയും സമൂഹത്തിൽ  ആതിരമാരും നീനുമാരും ഉണ്ടാകാതിരിക്കട്ടെ...

               ബാല്യം നഷ്ടമാകുമ്പോൾ 


ഒരു മാതൃദിനം കൂടി കടന്നു പോകുമ്പോൾ അന്നേ ദിവസം വളരെയേറെ ദുഃഖമുണ്ടാക്കുന്ന  വാർത്തകൾ  കേരളത്തെ ഞെട്ടിച്ചു. മലപ്പുറം എടപ്പാളിൽ സിനിമ തീയറ്ററിനുള്ളിൽ മണിക്കൂറുകളോളം 10 വയസുകാരി പീഡനത്തിനു ഇരയായകേണ്ടി വന്ന സംഭവം ലജ്ജിപ്പിക്കുന്നത് തന്നെ. സ്വന്തം അമ്മ തന്നെ ഈ കൊടും ക്രൂരതക്ക് കൂട്ടുനിന്നപ്പോൾ മാതൃത്വത്തിനു തന്നെ കളങ്കമായി. ഭൂമിയിൽ എല്ലാജീവജാലങ്ങൾക്കും സ്നേഹവും കരുതലും സംരക്ഷണവും നൽകേണ്ട അമ്മയുടെ കൈതാങ്ങ് ഇവിടെ ഒരു ബാലികയ്ക്ക് നഷ്ട്ടമാകുന്ന കാഴ്ച നാം കാണേണ്ടി വന്നു. ഇതിനു കൂട്ടുനിന്നത് അമ്മയാണെങ്കിൽ അവൾക്ക് കഠിനമായ ശിക്ഷനൽകി കേരളം മാതൃകയാകണം.
                  കണ്ണൂരിൽ അമ്മക്കൊപ്പം തെരുവിൽ കിടന്നുറങ്ങിയ 7 വയസ്സുമാത്രം പ്രായമുള്ള   കുട്ടിയെ എടുത്തുകൊണ്ടുപോയി പീഡിപ്പിക്കാൻ ശ്രമിച്ചത് ഇതേ ദിവസത്തെ  മറ്റൊരു വാർത്തയിരുന്നു.  രണ്ടു വാർത്തകളും ഒരു ദിവസം മാധ്യമങ്ങളിൽ ചർച്ച ചെയ്ത വിഷയമാണെങ്കിൽ ചർച്ച ചെയ്യപ്പെടാതെ പോകുന്ന ഒട്ടനവധി സംഭവങ്ങൾ നടന്നുകൊണ്ടിരിക്കുന്നു. കുട്ടികളോടുള്ള ഈ കൊടുംക്രൂരതകൾ നടന്നിട്ട് ദിവസങ്ങളും മാസങ്ങളും കഴിഞ്ഞാണ് പുറംലോകം അറിയുന്നത്.എന്നാൽ ഇവിടെ ദുഃഖിപ്പിക്കുന്നതും ശാപമായി കരുത്തേണ്ടതുമായ മറ്റൊരു കാര്യം  സർക്കാരും നിയമപാലകരും പണത്തിന്റെ സ്വാധീന വലയത്തിൽ അകപ്പെട്ട് പലകുറ്റകൃത്യങ്ങളും മറച്ചുപിടിക്കുന്നു, പ്രത്യേകിച്ച് കുട്ടികളുടെ കാര്യത്തിൽ. കുട്ടികൾക്കെതിരെ നടക്കുന്ന കുറ്റകൃത്യങ്ങൾക്കും പീഡനങ്ങൾക്കും എതിരെ  12 വയസ്സിനു താഴെ പാരായമുള്ള കുട്ടികളെ ലൈംഗിക മായി പീഡിപ്പിക്കുന്നവർക്ക് വധശിക്ഷ ഉറപ്പുവരുത്തുന്ന നിയമം പ്രാബല്യത്തിൽ വന്നു. എന്നിട്ടും പീഡന പരമ്പരയ്ക്ക് അറുതിവവന്നില്ല.
                                     3 മാസം മുൻപ്  ജമ്മുവിലെ ക0വയിൽ ബാലികയെ ബന്ദിയാക്കി കാമഭ്രാന്തന്മാർ അവളെ പിച്ചിചീന്തിയതും കല്ലുകൊണ്ട് തലക്കടിച്ചു കൊന്നതും രാജ്യത്തെ പിടിച്ചുകുലിക്കിയ സംഭവമായിരുന്നു. പ്രതികൾ തെളിവെടുപ്പിന്റെ മറവിൽ രക്ഷപെടാൻ ശ്രമിക്കുമ്പോൾ ഇന്ത്യൻ നീതിന്യായ വ്യവസ്ഥക്ക്  ഒരു വിലയും ഇല്ലേ എന്ന് ചോദിക്കേണ്ടിയിരിക്കുന്നു. നിയമം കർശനമാക്കിയിട്ടും  അഴിമതിയും അക്രമവും പീഡനവും  നിരന്തരം സമൂഹത്തിൽ അഴിഞ്ഞാടുകയാണ്. 
                                             23 ദിവസത്തെ  വാദത്തിനൊടുവിൽ പോക്സോ നിയമപ്രകാരം ഇൻഡോർ സെക്ഷൻ കോടതി ഒരു നരാധമന് കഴിഞ്ഞ തൂക്കുകയർ വിധിച്ചു. ഏപ്രിൽ 20 ന് മധ്യപ്രദേശിലെ ഇൻഡോറിൽ ബലൂൺ വില്പനക്കാരായ മാതാപിതാക്കൾക്കൊപ്പം ഉറങ്ങിക്കിടന്ന 4 മാസം പ്രായമുള്ള കുഞ്ഞിനെ  ക്രൂര ലൈംഗിക പീഡനത്തിനിരയാക്കി കൊന്നു. ലോകത്തെ തന്നെ ഞെട്ടിക്കുന്ന ഈ സംഭവം നടന്നിട്ട് ഒരുമാസം പോലുമായില്ല. ജനിച്ചുവീഴുന്ന ചോരക്കുഞ്ഞിനെപ്പോലും വെറുതെ വിടാത്ത ഈ ലോകം നരകതുല്യമായിമാറി എന്ന് പറയേണ്ടിയിരിക്കുന്നു.  
                            ഇന്ത്യക്ക് ബ്രഹത്തായതും വിശാലമായതുമായ ഒരു ഭരണഘടനയും  അതിന്റെ ഭാഗം 3 ൽ പറയുന്ന മൗലികാവകാശം ഓരോത്തർക്കും വിഭാവനം ചെയ്യുന്നു. എന്നാൽ ഇന്ന് ഇന്ത്യയിൽ നിഷേധിക്കപ്പെടുന്നത് മൗലികാവകാശമാണ്. പ്രത്യേകിച്ച് സ്ത്രീകൾക്കും കുഞ്ഞുങ്ങൾക്കും.
                                         സ്ത്രീ വർഗം എന്നും പീഡനത്തിനും ചൂഷണത്തിനും ഇരയാകേണ്ടവരാണെന്നും ഇനിയും അതിനൊരറുതി വരില്ലെന്നുമാണ് അടുത്തിടെയുണ്ടായ സംഭവവികാസങ്ങളിലൂടെ വ്യക്തമാക്കുന്നത്. ഇവിടെ ഒന്ന് മാത്രം വ്യക്തമാക്കട്ടെ അനീതിയോ അക്രമമോ നടന്നാൽ അവിടെ നീയമപാലകർ പണത്തിന്റെ സ്വാധീന വലയത്തിൽ അകപ്പെടാതെ സത്യത്തിനു വേണ്ടി നിലകൊള്ളുക. അങ്ങനെയായാൽ ഒരു പരിധിവരെ പല പ്രശ്നങ്ങളും ഒഴിവാകപ്പെടാം.

ആരാധനയോ  അഹങ്കാരമോ 

ഊണിലും ഉറക്കത്തിലും മൂളിപാട്ടായും ഗൃഹാതുരത്വ ഓർമ്മകളായും കാതുകളിൽ നിറഞ്ഞ ഗന്ധർവ ശബ്ദം മലയാളികൾക്കെന്നും സ്വകാര്യ അഹങ്കാരം തന്നെയാണ് .ദേ ശാന്തരങ്ങൾ കടന്നു ഭാഷയുടെ അതിർവരമ്പുകൾ ഇല്ലതെ ആ ഗന്ധർവ ധ്വനി  ലോകം  മുഴുവൻ മാറ്റൊലികൊള്ളുന്നു. തലമുറകൾ ഏറ്റുപാടിയപ്പോൾ ആരാധകരുടെ എണ്ണവും കടലോളമായി. കാലം  കുതിച്ചു പാഞ്ഞപ്പോൾ ആരാധനയുടെ രീതികളും മാറി മറിഞ്ഞു. മൊബൈൽ ഫോണുകളും നവമാധ്യമങ്ങളുമൊക്കെ സെലിബ്രറ്റികളെ വാനോളമുയർത്തി. കഴിവുള്ളവരും കഴിവില്ലാത്തവരും ഒക്കെ ഈ കുത്തൊഴുക്കിൽ ഉയർന്നു താണു.  ദാസേട്ടന്റെ ആരാധകരും കാലത്തിനൊത്തുമാറി. ദേശീയപുരസ്കാര വേദിക്കു പുറത്തു ദാസേട്ടനെ ഒപ്പം പകർത്താൻ ശ്രമിച്ച ആരാധകനെ ഗായകൻ വിലക്കിയത്  സമൂഹം ചർച്ചചെയ്യുകയാണ്. ആരാധന അതിരുകടന്നതാണെന്നു ഒരുപക്ഷവും ആരധകനെ അധിക്ഷേപിച്ചതാണെന്നു മറുപക്ഷവും ആരോപണങ്ങൾ ഉന്നയിക്കുന്നു. സത്യമറിയണമെങ്കിൽ നമ്മുടെ സമൂഹത്തിനു അടുത്തിടെ കൈവന്ന മാറ്റാത്തെ  കുറിച്ചും നവമാധ്യമങ്ങളുടെ സ്വാധീനത്തെ കുറിച്ചും ചർച്ചചെയ്യേണ്ടിയിരിക്കുന്നു.  ഭാരതം പോലുള്ള ജനാതിപത്യ രാജ്യത്ത് വ്യക്തി സ്വാതന്ത്ര്യം നിയമപരമായി പാലിക്കപ്പെടേണ്ടത് തന്നെ. എന്നാൽ ആരാധന അതിരുവിടുമ്പോൾ സെലിബ്രറ്റികളിൽ ഭൂരിഭാഗവും ആരാധകരുടെ ഒഴുക്കിനൊത്ത് നീന്തുകയാണ് പതിവ്. യേശുദാസിന്റെ കാര്യത്തിൽ പൊതുസ്ഥലത്തു വ്യക്തി സ്വാതന്ത്ര്യം ഹനിക്കപ്പെട്ടുവെന്നു തോന്നിയതിനാലാകാം ഗായകൻ ആരാധകനെ വിലക്കിയത്. അത് ശരിക്കും വ്യക്തിപരം തന്നെ   എന്നാൽ ഇഷ്ട്ടമുള്ളതിനെ നെഞ്ചിലേറ്റാനുള്ള സ്വാതന്ത്ര്യവും ഓരോരുത്തർക്കുമുണ്ട്. ആരാധന അതിരുവിടുമ്പോൾ മാത്രമാണ് നിയന്ത്രണം വേണ്ടത്. അനുവാദമില്ലാതെ ചിത്രം പകർത്തുക എന്നത് തികച്ചും സ്വകാര്യവും ഔദോഗികവുമായ ചടങ്ങുകളിൽ വിലക്കപ്പെട്ടേക്കാം. അത്തരം സാഹചര്യത്തിൽ കടന്നുകയറ്റം ഒരു കുറ്റവുമായിരിക്കാം. ഒരു പൊതുപരുപാടിക്കിടെ അതും ചലച്ചിത്ര പ്രവർത്തകരെ ആദരിക്കുന്ന വേദിക്കടുത്തുവെച്ച്  ഇത്തരം സെലിബ്രറ്റികളെ ആദരാധകർ പൊതിയുക പതിവുതന്നെ. എന്നാൽ യേശുദാസിന്റെ കാര്യത്തിൽ പെട്ടന്നുണ്ടായ ആരാധകന്റെ അഭിനിവേശവും ദാസേട്ടന്റെ  പ്രതികരണവും രണ്ടു തലങ്ങളിൽ വായിച്ചെ മതിയാവു. ഒരു ഭാഗത്തു  കലയും കലാകാരനും അംഗീകരിക്കപ്പെടുകയാണ് ചെയ്യുന്നത് മറുവശത്തു കലാകാരന്റെ വ്യക്തി സ്വാതന്ത്ര്യം ഹനിക്കപ്പെടുകയും ചെയ്യുന്നു. ദാസേട്ടനെ സംബന്ധിച്ച്  വേദികളിൽ തന്റെ ഗാനമേള പരിപാടികൾ പകർത്തരുതെന്നു പരുപാടി തുടങ്ങുന്നതിന്  മുൻപ് തന്നെ ദാസേട്ടൻ വിനീതമായി അഭ്യർത്ഥിക്കുമായിരുന്നു. എന്നാൽ നവമാധ്യമങ്ങളുടെ വളർച്ചയുടെ ഇത്തരത്തിലുള്ള കാര്യങ്ങൾക്ക് നിയന്ത്രണമില്ലാതെയായി. അനുവാദമില്ലാതെ ദൃശ്യം പകർത്തലും കലാംശം മോഷ്ടിക്കലും ഒരു പതിവായി. ഇത് നിയന്ത്രിക്കാൻ വ്യക്തമായൊരു  നിയമമോ സംവിധാനമോ ഇല്ലാതെയായി. ഇവിടെയാണ് ആരാധകരും സെലിബ്രറ്റികളും നേർക്കുനേർ വരുന്നത്. തുറന്ന സംവാദത്തിലൂടെ  ഇത്തരം പ്രശനങ്ങൾ വഷളാക്കാതെ അതിരുകൾക്കുള്ളിൽ തീർക്കുകയാണ് വേണ്ടത്.

                                                                  നാം ഒന്നോർക്കുക കലയില്ലങ്കിൽ കലാകാരനില്ല അതുപോലെ ആരാധകനില്ലെകിൽ കലാകാരനുമില്ല. ഈ പൊതു തത്ത്വമാണ്  ചർച്ച ചെയ്യപ്പെടേണ്ടത്. എങ്കിൽ മാത്രമേ കലാകാരനും ആരാധകനും സമൂഹത്തിൽ വിലയുണ്ടാകു.

കദളി വനത്തിലെ ഹനുമാനും                                                        രാവണവിജയത്തിലെ രാവണനും

                               കദളി വനത്തിലെ ഹനുമാനും രാവണവിജയത്തിലെ രാവണനും ഭൂമിദേവിയെ നമസ്കരിച്ചു യാത്രയായി. കലാകേരളത്തിന്റെ മാറ്റുരക്കാനാകാത്ത രണ്ടു കലാകാരൻമാർ അതായിരുന്നു കലാമണ്ഡലം ഗീതാനന്ദനും മടവൂർ വാസുദേവൻ നായരും. ഓട്ടംതുള്ളലിലൂടെ വേദികൾ കയ്യടക്കി ഗീതാനന്ദനും തെക്കൻ കളരി സമ്പ്രതായത്തിലൂടെ കഥകളിയെ ജാനകിയമാക്കൻ മടവൂരിനും സാധിച്ചു. ചരിത്രത്തിലാദ്യമായി ''തുള്ളൽ പ്പദക്കച്ചേരി '' അവതരിപ്പിച്ച് ഗീതാനന്ദൻ ശ്രദ്ധയാകർഷിച്ചു. പുരാണബോധം, മനോധർമ്മവിലാസം, പാത്രബോധം, അരങ്ങിലെ സൗന്ദര്യ സങ്കൽപ്പം മടവൂരിന്റെ വശങ്ങളിലെ പ്രത്യേകതകളാണ്. 

                           പാലക്കാട് അകിലാണം ദേശത്ത്  മഠത്തിൽ പുഷ്പകത്ത് കേശവൻ നമ്പിശന്റെയും സാവിത്രി ബ്രഹ്‌മാണി അമ്മയുടെയും മകനായി ജനനം. 9-)o വയസ്സിൽ തുള്ളലിൽ അരങ്ങേറി. രാജ്യത്തിനകത്തും പുറത്തുമായി 5000 ലധികം വേദികളിൽ ഓട്ടൻതുള്ളൽ അവതരിപ്പിച്ച  ഗീതാനന്ദൻ 30 ലേറെ സിനിമകളിൽ തന്റെ അഭിനയ മികവും കാഴ്ച വെച്ചിട്ടുണ്ട്. 1983 മുതൽ കാൽനൂറ്റാണ്ടോളം കലാമണ്ഡലത്തിൽ തുള്ളൽ വിഭാഗം മേധാവിയായി സേവനമനുഷ്ഠിച്ചിട്ടുണ്ട്. കേരള സംഗീത നാടക അക്കാദമി,കേരള കലാമണ്ഡലം,തുള്ളൽ കലാനിധി  തുടങ്ങിയ പുരസ്കാരങ്ങൾ  നൽകി ആദരിച്ചിട്ടുണ്ട്.

                     1929 ൽ മടവൂർ കാരാട്ട് പുത്തൻ വീട്ടിൽ രാമകുറിപ്പിന്റെയും കല്യാണിയമ്മയുടെയും മകനായി ജനനം.  വിദ്യാഭ്യാസ സമയത്ത് തന്നെ കഥകളി അഭ്യസിച്ചു തുടങ്ങി. ആദ്യ ഗുരു മടവൂർ പരമേശ്വരൻ നായാരാണ്. ഗുരു ചെങ്ങന്നൂരിന്റെ ശിഷ്യരിൽ പ്രമുഖനായ മടവൂർ പന്ത്രണ്ടാം വയസുമുതൽ നീണ്ട 25 വർഷം ഗുരുകുല സമ്പ്രതാ യത്തിലായിരുന്നു.  28 -)o വയസ്സിൽ നായകപ്രാധാന്യമുള്ള വേഷങ്ങൾ കെട്ടിത്തുടങ്ങി. ബാണൻ, ജരാസന്ധൻ,ദുര്യോധനൻ തുടങ്ങിയവയാണ് പ്രധാനമായും എടുത്തുപറയേണ്ട വേഷങ്ങൾ. പച്ച, കത്തി,മിനുക്ക്,താടി തുടങ്ങിയ കഥകളിയിലെ എല്ലാത്തരം വേഷങ്ങളും  അദ്ദേഹത്തിന് ഇണങ്ങുമായിരുന്നു. കഥകളി വേഷം പോലെ കഥകളി സംഗീതത്തിലും അദ്ദേഹത്തിന് പ്രാവിണ്യമുണ്ട്. 1968 മുതൽ 10 വർഷം കേരള കലാമണ്ഡലത്തിൽ അദ്യാപകനായി സേവനമനുഷ്ഠിച്ചു.  കേന്ദ്ര സംഗീത നാടക അക്കാദമിയുടെയും സംസ്ഥാനസർക്കാരിന്റേയും നിരവധി ബഹുമതികൾ ചുരുങ്ങിയ സമയകൊണ്ട് തന്നെ മടവൂരിനെ തേടിയെത്തി. 82 -)o വയസ്സിൽ ഭാരതം പത്മഭൂഷൺ നൽകി ആദരിച്ചു. 

                         തുള്ളലിനിടയിൽ   കാണികളറിയാതെ കൂടെയുള്ളവരെ പ്രോത്സാഹിപ്പിക്കുന്ന ഗീതാന്ദൻ  കദളീവനത്തിൽ ഹനുമാൻ കയറാനൊരുന്ന വേളയിൽ കൂടയുല്ലവരെ ആശങ്കയിലാഴ്ത്തി ഭൂമിദേവിയെ നമസ്കരിച്ചു.രാവണവിജയത്തിലെ രാവണ വേഷം രൗദ്രഭാവത്തിൽ അരങ്ങേറി അവസാന വേദിയായി. മഹാദേവന്റെ മുന്നിൽ അരങ്ങിലെ ഇരു പ്രതിഭകളും അരങ്ങിൽ തന്നെ ആടി അണഞ്ഞു.

                                       മടവൂർ കലാകേരളത്തിന്റെ ഓർമ

കേരളത്തിലെ പ്രശസ്തനായ കഥകളി നടനാണ് മടവൂർ വാസുദേവൻ നായർ
രൗദ്രവും ശൃംഗാരവും ഒരുപോലെ സമ്മേളിക്കുന്ന അഭിനയപ്രധാനമായ തെക്കൻ കളരി സമ്പ്രതായ ചിട്ടകൾ പിന്തുടരുന്ന അദ്ദേഹം താടി വേഷങ്ങൾ ഒഴികെ മറ്റെല്ലാ വിഭാഗം കഥകളി വേഷങ്ങളിലും പ്രാഗൽഭ്യം തെളിയിച്ചിട്ടുണ്ട്. പുരാണബോധം, മനോധർമ്മവിലാസം, പാത്രബോധം, അരങ്ങിലെ സൗന്ദര്യ സങ്കൽപ്പം മടവൂരിന്റെ വശങ്ങളിലെ പ്രത്യേകതകളാണ്. പച്ച, കത്തി,മിനുക്ക്,താടി തുടങ്ങിയ കഥകളിയിലെ എല്ലാത്തരം വേഷങ്ങളും  അദ്ദേഹത്തിന് ഇണങ്ങുമായിരുന്നു. കഥകളി വേഷം പോലെ കഥകളി സംഗീതത്തിലും അദ്ദേഹത്തിന് പ്രാവിണ്യമുണ്ട്.  സ്ത്രീവേഷങ്ങൾ ആദ്യകാലത്ത് കഥകളിയിൽ കുറവായതിനാൽ അദ്ദേഹം സ്ത്രീവേഷ രൂപത്തിൽ അരങ്ങിലെത്തി.  
                                      1929 ൽ മടവൂർ കാരാട്ട് പുത്തൻ വീട്ടിൽ രാമകുറിപ്പിന്റെയും കല്യാണിയമ്മയുടെയും മകനായി ജനനം.  വിദ്യാഭ്യാസ സമയത്ത് തന്നെ കഥകളി അഭ്യസിച്ചു തുടങ്ങി. ആദ്യ ഗുരു മടവൂർ പരമേശ്വരൻ നായാരാണ്. ഗുരു ചെങ്ങന്നൂരിന്റെ ശിഷ്യരിൽ പ്രമുഖനായ മടവൂർ പന്ത്രണ്ടാം വയസുമുതൽ നീണ്ട 25 വർഷം ഗുരുകുല സമ്പ്രത്തായത്തിലായിരുന്നു.  28 -)o വയസ്സിൽ നായകപ്രാധാന്യമുള്ള വേഷങ്ങൾ കെട്ടിത്തുടങ്ങി. ബാണൻ, ജരാസന്ധൻ,ദുര്യോധനൻ തുടങ്ങിയവയാണ് പ്രധാനമായും എടുത്തുപറയേണ്ട വേഷങ്ങൾ. 1968 മുതൽ 10 വർഷം കേരള കലാമണ്ഡലത്തിൽ അദ്യാപകനായി സേവനമനുഷ്ഠിച്ചു.  കേന്ദ്ര സംഗീത നാടക അക്കാദമിയുടെയും സംസ്ഥാനസർക്കാരിന്റേയും നിരവധി ബഹുമതികൾ ചുരുങ്ങിയ സമയകൊണ്ട് തന്നെ മടവൂരിനെ തേടിയെത്തി. 82 -)o വയസ്സിൽ ഭാരതം പത്മഭൂഷൺ നൽകി ആദരിച്ചു. അഗസ്ത്യക്കോട് മഹാദേവക്ഷേത്രത്തിൽ  രാവണവിജയത്തിലെ രാവണ വേഷം അവസാന വേദിയായി. മടവൂർ വാസുദേവൻ നായരുടെ നിര്യാണത്തോടെ മറ്റാർക്കും പകരംവെക്കാനാകാത്ത ആചാര്യനെയാണ് നമുക്ക് നഷ്ടമായത്.